جانىبەك ءالىمحان ۇلىنىڭ قارسىلاسى انىقتالدى
بۇل تۋرالى جانىبەك ءالىمحان ۇلىنىڭ مەنەدجەرى بەرىك سۇلتان ءوزىنىڭ Facebook پاراقشاسىندا جازدى.
«رەسمي! بۇيىرتسا، جەكپە-جەك 13-مامىردا وتەدى. جانىبەك ءالىمحان ۇلى WBO چەمپيوندىق تيتۋلىن ەكىنشى رەت قورعايدى. قارسىلاسى كانادالىق ستيۆەن باتلەر. جاسى 27 دە. رەكوردى: 32 جەڭىس، 3 جەڭىلىس. WBO رەيتينگىندە 6-ورىنداعى قارسىلاس. تارتىستى كەزدەسۋ كۇتىپ تۇر! Qazaq style-عا ساتتىلىك! جەڭىستى كۇندە جۇزدەسەيىك!»، - دەپ جازدى ول.
ەسكە سالا كەتەيىك، جانىبەك ەڭ سوڭعى جەكپە-جەگىن بىلتىر قاراشادا لاس-ۆەگاستا وتكىزىپ، تورەشىلەردىڭ شەشىمىمەن بريتاندىق بوكسشى دەنزەل بەنتليدەن باسىم ءتۇستى.
سول ارقىلى WBO بەلبەۋىن قورعاپ قالدى. تيتۋلدىڭ ءوزى قازاقستاندىققا امەريكالىق بوكسشى دەمەتريۋس اندرادەدەن «مۇراگەرلىك جولمەن» كەلگەن بولاتىن.
ول الىمحان ۇلىمەن ايقاسۋدان باس تارتىپ، ەكىنشى ورتا ديۆيزيونداعى مانسابىن جالعاستىرۋدى قۇپ كوردى.
