ناۋرىز كوجە دايىنداۋ بويىنشا رەكورد ورناتىلدى - فوتو

استانا. قازاقپارات - استانادا ناۋرىز مەرەكەسىنە وراي ازىرلەنگەن ۇلتتىق تاعام رەكورد ورناتتى، دەپ حابارلايدى قازاقپارات ەلوردا اكىمدىگىنە سىلتەمە جاساپ.

استانادا رەكوردتى 2100 ليتر كولەمىندە ناۋرىز كوجە دايىندالدى. قازاقستان رەكوردى ورناتىلعانىن كۋالاندىراتىن سەرتيفيكات استانا اكىمدىگىنە جانە بايقوڭىر اۋدانىنىڭ اكىمدىگىنە بەرىلدى.

ۇلتتىق ءدامدى دايىنداۋعا اسپازشىلار ءبىر كۇنىن ارناعان. وعان جۇزدەگەن كەلى بيداي، كۇرىش جانە ەت جۇمسالدى. كەيىن دايىن ءونىم اتاتۇرىك ساياباعىنا كەلگەن جۇرتشىلىققا ۇسىنىلدى.

«ەكى توننادان استام ناۋرىز كوجە - ابسوليۋتتى رەكورد. بۇرىن بۇل كورسەتكىش تۇركىستاندىقتارعا تيەسىلى بولاتىن. ەكى جىل بۇرىن ولار 2 مىڭ ليتر ناۋرىز كوجە پىسىرگەن. بۇگىن بۇل رەكورد رەسمي تۇردە جاڭارتىلدى»، - دەدى گيننەس رەكوردتارىنىڭ قازاقستان وڭىرلىك كىتابىنىڭ رەسمي وكىلى قۋاندىق قۇدايبەرگەنوۆ.

اسپازشى گۇلنار جۇمابەكوۆانىڭ ايتۋىنشا، ناۋرىز كوجە كولەمى 60 تان 150 ليترگە دەيىنگى باس- اياعى 10-قازاندا دايىندالعان. ال وسىدان كەيىن ولار 95 ليتر بولاتىن 20 بيدونعا قۇيىلدى.

ەسكە سالايىق، مەرەكە كۇندەرى ەلوردانىڭ ساياباقتارى مەن الاڭدارىندا ناۋرىز مەرەكەسىنە ارنالعان مەرەكەلىك ءىس-شارالار ءوتىپ جاتىر.