07:40, 20 - ناۋرىز 2023 | GMT +5
قازاقستاندىقتاردىڭ باسىم بولىگىنىڭ ۇستانىمىن كورسەتەتىن ءادىل ناتيجە ەكەنىنە سەنىمدىمىن - ەرلان قوشانوۆ
استانا. قازاقپارات - «امانات» پارتياسىنىڭ ءتوراعاسى ەرلان قوشانوۆ سايلاۋدىڭ الدىن الا ناتيجەلەرى جاريالانعاننان كەيىن الەۋمەتتىك جەلى ارقىلى پىكىر ءبىلدىردى، دەپ حابارلايدى قازاقپارات.
«قۇرمەتتى دوستار! جاڭا عانا ءۇش ەكزيت- پوللدىڭ قورتىندىسى جاريالاندى. الدىن الا ناتيجەلەر بويىنشا، «امانات» پارتياسى ءماجىلىس پەن جەرگىلىكتى وكىلدى ورگاندار سايلاۋىندا ورتاشا %53,46 داۋىس جيناپ وتىر. بارشا پارتيا مۇشەلەرى مەن قولداۋشىلارىمىزدى قۇتتىقتايمىن! بۇل قازاقستاندىقتاردىڭ باسىم بولىگىنىڭ ۇستانىمىن كورسەتەتىن ءادىل ناتيجە ەكەنىنە سەنىمدىمىن. پارتيانىڭ سايلاۋالدى باعدارلاماسىن قولداعان حالىققا جانە كانديداتتارىمىزعا العىسىمىز شەكسىز! بۇل «امانات» پارتياسىنىڭ بارلىق مۇشەسىنە زور جاۋاپكەرشىلىك جۇكتەيدى. ءبىز سايلاۋشىلارىمىزدىڭ سەنىمىن اقتاۋعا بار كۇشىمىزدى سالامىز!» - دەپ جازدى ول.
