قازاقستاندىقتاردىڭ ورتاشا ءومىر ءسۇرۋ ۇزاقتىعىن قالاي ارتتىرۋعا بولادى؟

استانا. قازاقپارات - قازاقستاننىڭ قازبا بايلىعىن ەسكەرەتىن بولساق، حالقىمىز الەمنىڭ ەڭ دامىعان ەلدەرىنىڭ ستاندارتتارى بويىنشا ءومىر ءسۇرۋى ءتيىس.

دەگەنمەن ورتاشا ءومىر ءسۇرۋ ۇزاقتىعى ءبىرىنشى كەزەكتە دەنساۋلىق ساقتاۋ جۇيەسىنىڭ قارجىلاندىرۋ دەڭگەيىنە تىكەلەي بايلانىستى.

قازاقستاننىڭ جالپىۇلتتىق سوتسيال-دەموكراتيالىق پارتياسىنىڭ (ج س د پ) باعدارلاماسىندا مەديتسينانى بيۋدجەتتەن قارجىلاندىرۋدى ددۇ ۇسىنعان كورسەتكىشكە، ياعني، ج ءى ءو-نىڭ كەم دەگەندە 6 پايىزىنا دەيىن جوسپارلى تۇردە ۇلعايتۋ قاجەتتىگى كورسەتىلەدى.

دەسە دە، 2021 -جىلى ەلىمىزدەگى دەنساۋلىق ساقتاۋ شىعىندارىنىڭ ۇلەسى ج ءى ءو-نىڭ %2,9 ىن قۇرادى، ال ءىس جۇزىندە سىبايلاس جەمقورلىق پەن مەملەكەتتىك باعدارلامالاردىڭ تيىمدىلىگىنىڭ تومەندىگىنە بايلانىستى اتالمىش سالاعا بۇدان دا از قاراجات ءبولىندى.

قازىردە جاعداي قانداي؟ سovid-19 پاندەمياسى بىزگە ۇلكەن ساباق بولدى. ەرلەردىڭ ورتاشا ءومىر ءسۇرۋ ۇزاقتىعى 0,76 -جىلعا (2020 -جىلى 67 جاستان 2021 -جىلى 66 جاسقا دەيىن)، ال ايەلدەرگە قاتىستى بۇل كورسەتكىش 1,5 جاسقا (ءدال وسى كەزەڭ ارالىعىندا 75 جاستان 74 جاسقا دەيىن) قىسقاردى. سوڭعى ەكى جىلدا اتالمىش كورسەتكىش ەلىمىز بويىنشا ورتاشا ەسەپپەن ءۇش جىلعا جۋىق - 2013 -جىلعى دەڭگەيگە دەيىن قىسقاردى.

مەملەكەت ازاماتتاردىڭ دەنساۋلىعىن ساقتاۋعا قاتىستى ءوز مىندەتتەرىنەن قاشقاقتاۋدا. شەنەۋنىكتەر مىندەتتى الەۋمەتتىك مەديتسينالىق ساقتاندىرۋ (م ءا م س) جۇيەسىن ءوز پايداسىن ويلاپ ەنگىزدى. بۇل كوپتەگەن ادامدارعا ساپالى تەكسەرۋدەن وتۋگە مۇمكىندىك بەرمەي وتىر.

جاقىندا وتكەن دوڭگەلەك ۇستەل بارىسىندا ج س د پ اتىنان ق ر پارلامەنتى ءماجىلىسىنىڭ دەپۋتاتتىعىنا پارتيالىق ءتىزىم بويىنشا كانديدات ايدار اليبايەۆ: «وسى جىلدار ارالىعىندا ءاسمس جۇيەسى ءوزىن اقتامادى. سوزىلمالى اۋرۋلارى بار ناۋقاستار كەپىلدەندىرىلگەن تەگىن ءدارى- دارمەكتەردى قول جەتكىزە الماۋدا. ج س د پ ساپالى مەديتسينالىق قىزمەتتى قامتاماسىز ەتۋدى قولدايدى. بۇل رەتتە پارتيا مەديتسينالىق ساقتاندىرۋ مۇمكىندىگىن ەرىكتى نەگىزدە جوققا شىعارمايدى. ءبىز ونى جەكە ءومىردى ساقتاندىرۋ ءۇشىن كۇردەلى وندىرىستەردە قولدانۋدى قاراستىرامىز»، - دەپ اتاپ ءوتتى.

«مەملەكەتتىڭ الەۋمەتتىك ساياساتى قازاقستاندىقتاردىڭ ايتارلىقتاي دەگراداتسياسىنا الىپ كەلدى دەپ ايتۋعا ءماجبۇرمىز. بالالار ساپالى ءبىلىم، ەرەسەكتەر لايىقتى مەديتسينالىق كومەككە قول جەتكىزە الماۋدا. سىبايلاس جەمقورلار مەن تالانتسىز مەنەدجەرلەر ۇرپاعىمىزدىڭ بولاشاعىن، اعا بۋىننىڭ ۋاقىتىن ۇرلادى. قازاقستاندىقتاردىڭ ورتاشا ءومىر ءسۇرۋ ۇزاقتىعىنىڭ كورسەتكىشى ءماز ەمەس، الەم ەمىن تاپقان اۋرۋلاردان ءبىزدىڭ ەرلەر مەن ايەلدەر ءالى دە قازا تابۋدا. ج س د پ ساياساتتىڭ باستى نازارى ءبىرىنشى كەزەكتە ادامدا بولۋىن تالاپ ەتەدى»، - دەپ اتاپ ءوتتى ق ر پارلامەنتى ءماجىلىسىنىڭ دەپۋتاتتىعىنا كانديدات.

تاپسىرىس بەرۋشى: ج س د پ ءتوراعاسى راقىمجانوۆ ا. ن.