ەلىمىزدە ءدارى باعاسىن رەتتەۋ ساياساتى وزگەرەدى
بۇل تۋرالى باسەكەلەستىكتى قورعاۋ جانە دامىتۋ اگەنتتىگى دەپارتامەنتىنىڭ ديرەكتورى ميرا تۇياقبايەۆا XIV حالىقارالىق ەۋرازيالىق فارماتسيەۆتيكالىق فورۋمدا ايتتى.
«2023 -جىلعى 10-قاڭتاردان باستاپ قازاقستانداعى ءدارىحانالاردا ساتىلاتىن 376 ءتۇرلى دارىلىك زاتتىڭ باعاسىن مەملەكەت رەتتەمەيتىن بولعان. ونىڭ ىشىندە گومەوپاتيالىق پرەپاراتتار، بەلسەندى بيولوگيالىق قوسپالار، دارۋمەندەر مەن جەڭىل اۋرۋلارعا قارسى دارىلەر بار.
اگەنتتىك دەنساۋلىق ساقتاۋ مينيسترلىگىمەن بىرلەسىپ دەنساۋلىق ساقتاۋ سالاسىندا، دارىلىك زاتتاردى تاسىمالداۋ جانە ساقتاۋ نارىعىندا باسەكەلەستىكتى دامىتۋ جونىندەگى ءىس- شارالار جوسپارىن (جول كارتالارىن) بەكىتتى.
اتالعان جوسپاردى قايتا رەتتەۋ كەزەڭدەرى ناقتى بەلگىلەنگەن. بيىل ءبىرىنشى كەزەڭ باستالدى. بۇل كەزەڭگە رەتسەپتىسىز بەرىلەتىن ءدارى- دارمەكتىڭ اتاۋى ەندى. ەكىنشى كەزەڭ 2023-2024 -جىلدارعا جوسپارلانعان. بۇل كەزەڭدە مەملەكەت كوممەرتسيالىق سەگمەنتتەگى رەتسەپتىسىز بەرىلەتىن بۇكىل ءدارى- دارمەكتىڭ باعاسىن رەتتەۋدەن كەتەدى. قورىتىندى كەزەڭ 2024-2025 -جىلدارعا جوسپارلانعان. ول كەزەڭدە كوممەرتسيالىق سەگمەنتتەرگى رەتسەپتىسىمەن بەرىلەتىن پرەپاراتتاردىڭ باعاسىن رەتتەۋ ساياساتى قايتا قارالادى.
«2026 -جىلعا قاراي تەگىن مەديتسينالىق كومەكتىڭ كەپىلدى كولەمى جانە مىندەتتى الەۋمەتتىك مەديتسينالىق ساقتاندىرۋ اياسىندا ساتىپ الىناتىن دارىلىك زاتتار عانا مەملەكەتتىك باعالىق رەتتەۋدى قالدىرۋ جوسپارلانىپ وتىر. بۇل حالىقارالىق پراكتيكاعا سايكەس كەلەدى. قازاقستان بارلىق پرەپاراتتارعا باعالاردى رەتتەيتىن جالعىز ەل. ەگەر ەاەو بويىنشا باسقا سەرىكتەستەرمەن سالىستىرساق، بەلارۋستا ونكولوگيالىق، جۇرەك- قان تامىرلارى اۋرۋلارىن ەمدەۋگە قولدانىلاتىن پرەپاراتتار عانا، قىرعىزستاندا - COVID 19 ەمدەۋگە ارنالعان پرەپاراتتار، رەسەيدە ومىرلىك ماڭىزى بار ءدارى- دارمەكتەر عانا رەتتەلەدى، ارمەنيادا مەملەكەتتىك رەتتەۋ جوق»، - دەدى ميرا تۇياقبايەۆا.
سونىمەن بىرگە، ءبىرقاتار پروبلەمالىق ماسەلەلەر بار.
«شەكتى باعالاردى قالىپتاستىرۋ ءراسىمى مەملەكەتتىك ورگاندار ءۇشىن دە، بيزنەس ءۇشىن دە اشىق ەمەس. قولدانىستاعى باعالاردى رەتتەۋدىڭ قۇقىقتىق الاڭى وندىرۋشىدەن ساتىپ الۋ باعاسىن جانە رەفەرەنتتىك ەلدەردەگى باعالاردى دا تەكسەرۋگە، ءتيىستى دەرەكتەر بازاسى بولماعاندىقتان ءوندىرۋشىنىڭ تىركەلەتىن باعاسىنىڭ وبەكتيۆتىلىگىن ايقىنداۋعا مۇمكىندىك بەرمەيدى»- دەپ اتاپ ءوتتى ميرا تۇياقبايەۆا.
ەكىنشى تاراپتان، بيزنەس وكىلدەرى شەكتى باعالاردى بەكىتۋ مەرزىمى، دارىلىك زاتتارعا شەكتى باعالاردى قاتە قالىپتاستىرۋ، جاڭا پرەپاراتتارعا باعالاردى باستاپقى تىركەۋدىڭ ۇزاق مەرزىمى بويىنشا ماسەلەلەردى كوتەرىپ وتىر. وسىنىڭ ءبارى نارىققا پرەپاراتتاردىڭ شىعۋىن تەجەيدى، شىعىنداردىڭ ۇلعايۋىنا اكەلەدى.
«وسى ماسەلەلەردى ءىس- شارالار جوسپارىن ورىنداۋ شەڭبەرىندە رەتتەۋ جوسپارلانعان، وندا دارىلىك زاتتاردىڭ نارىققا كىرۋىنىڭ بيزنەس- پروتسەستەرىن وڭتايلاندىرۋ، تسيفرلاندىرۋ جانە ينتەگراتسيالاۋ، باعا بەلگىلەۋ ءادىسناماسىن حالىقارالىق تاجىريبەنى ەسكەرە وتىرىپ جەتىلدىرۋ، اكىمشىلىك كەدەرگىلەردى جويۋ جانە ت. ب. كوزدەلگەن»- دەپ قورىتىندىلادى ميرا تۇياقبايەۆا.
