ا ق ش مەملەكەتتىك حاتشىسى ەنتوني بلينكەن قازاقستانعا العاش رەت ساپارمەن كەلەدى

استانا. قازاقپارات – ا ق ش مەملەكەتتىك حاتشىسى ەنتوني بلينكەن قازاقستانعا كەلەدى، دەپ حابارلايدى قازاقپارات ءسىم سىلتەمە جاساپ.

«28-اقپاندا ا ق ش مەملەكەتتىك حاتشىسى ەنتوني بلينكەن قازاقستانعا ءوزىنىڭ العاشقى ساپارىن جاسايدى. استانادا بولۋى بارىسىندا مەملەكەتتىك حاتشىنى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ قابىلدايدى جانە ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى ونىمەن ەكىجاقتى كەلىسسوزدەر وتكىزەدى. سول كۇنى استانادا ە. بلينكەن جانە ورتالىق ازيا ەلدەرىنىڭ سىرتقى ساياسي مەكەمەلەرى باسشىلارىنىڭ قاتىسۋىمەن 1+C5 فورماتىنداعى مينيسترلىك كەزدەسۋ وتەدى. كۇن ءتارتىبى وڭىرلىك ىنتىماقتاستىق جانە ا ق ش- پەن سەرىكتەستىك ماسەلەلەرىن ودان ءارى دامىتۋدى قامتيدى»، - دەلىنگەن حابارلامادا.