قازاقستاندىقتار ۇيىندە قاي تىلدە سويلەسەتىنى انىقتالدى

استانا. قازاقپارات – «قازاقستاندىق وتباسىلار-2022» بايانداماسىنا سايكەس، قازاقستاندىقتار ۇيىندە قاي تىلدە سويلەسەتىنى تۋرالى ساۋالناما جاسالعان.

ساۋالناما قورىتىندىسى بويىنشا، رەسپوندەتتىڭ باسىم بولىگى ۇيىندە قازاق تىلىندە سويلەيتىنى انىقتالدى، - دەپ حابارلايدى قازاقستاندىق قوعامدىق دامۋ ينستيتۋتىنا سىلتەمە جاساپ.

زەرتتەۋگە سۇيەنسەك، حالىقتىڭ كوپشىلىگى جاقىندارىمەن قازاقشا سويلەسەدى. سونداي-اق، ەلىمىزدە تەك ورىسشا جانە قازاق، ورىس تىلدەرىن ارالاستىرىپ سويلەيتىن وتباسىلار دا بار. ال ساۋالناماعا قاتىسقانداردىڭ 17 پايىزى ۇيىندە تەك ورىس تىلىندە سويلەيتىنى انىقتالدى.

ايتا كەتەيىك، قازاقستاندا ءومىر سۇرەتىن ءتۇرلى ەتنيكالىق توپ وكىلدەرىنىڭ 2,8 پايىزى ءوز انا تىلىندە سويلەسەدى.

ەسكەرتپە: ساۋالناماعا قاتىسقان رەسپوندەنتتەر سانى - 1200 ادام.

View this post on Instagram

A post shared by Қазақстандық қоғамдық даму институты (@kipd.kz)

Massaget.kz