يسپانيا شەنەۋنىكتەرى تەمىرجول داۋىنا بايلانىستى جۇمىستان بوساتىلدى
بۇل جەرگىلىكتى تەمىرجول تۋننەلدەرى ءۇشىن تىم ۇلكەن بولىپ شىققان جاڭا پويىزدارعا مەملەكەتتىك تاپسىرىس توڭىرەگىندەگى جانجالعا بايلانىستى بولدى، دەپ حابارلايدى قازاقپارات BBC-گە سىلتەمە جاساپ.
كولىك ءمينيسترى يسابەل پاردو مەن «رەنفە» مەملەكەتتىك تەمىرجول كومپانياسىنىڭ باسشىسى يساياس تابواس بيلىك تاراپىنان نەمقۇرايلىلىق دەڭگەيىنە قاتىستى قوعام نارازىلىعىنان كەيىن وتستاۆكاعا كەتۋگە شەشىم قابىلدادى.
2020 -جىلى يسپانيا ۇكىمەتى سولتۇستىك ايماقتارداعى كانتابريا مەن استۋرياستاعى ەسكىرگەن پويىز پاركىن جاڭارتۋ تۋرالى شەشىم قابىلدادى. ول ءۇشىن يسپاندىق CAF وندىرۋشىسىمەن زاماناۋي قالاارالىق پويىزدار مەن تار تاباندى پويىزداردى سالۋعا شامامەن 260 ميلليون ەۋروعا كەلىسىمشارتقا وتىردى.
31 جاڭا پويىز 2024 -جىلدىڭ باسىندا قولدانىسقا بەرىلۋى ءتيىس ەدى، ءبىراق وسى جىلدىڭ قاڭتارىندا تاپسىرىس بەرىلگەن پويىزدار يسپانيانىڭ سولتۇستىگىندەگى تاۋ تۋننەلدەرى ءۇشىن تىم جالپاق ەكەنى بەلگىلى بولدى.
يسپانيا ۇكىمەتى بۇل قاتەلىك ءوندىرىستىڭ ەرتە ساتىسىندا بايقالعانىن جانە بۇل قارجىلىق شىعىندارعا اكەلمەگەنىن ايتادى. الايدا، ءوندىرىستىڭ كەشەۋىلدەۋىنە اكەلدى جانە جوسپارلانعان 2024 -جىلدىڭ ورنىنا ەندى جاڭا پويىزدار 2026 -جىلعا قاراي قولدانىسقا بەرىلەدى.
اۆتور
سماعۇلوۆا ەركەجان
