اكادەميك ابدىمالىك نىسانبايەۆ دۇنيەدەن ءوتتى

بۇل تۋرالى «عىلىم ورداسى» ر م ك Facebook پاراقاشاسىندا جازدى، دەپ حابارلايدى قازاقپارات ءتىلشىسى.

«ابدىمالىك نىسانبايەۆ 570-تەن استام عىلىمي، عىلىمي- ساراپتامالىق، عىلىمي- ادىستەمەلىك ەڭبەكتەر، سونىڭ ىشىندە 30 مونوگرافيا، جەكە كىتاپتار مەن وقۋ قۇرالدارىن جازعان. ءبىرقاتار ەڭبەكتەرى 25 شەت تىلدەرىندە جارىق كورگەن.

عالىمنىڭ تۋعان- تۋىستارىنا، جاقىندارىنا قايعىرىپ كوڭىل ايتامىز. اللا پاناسىنا العاي»، - دەلىنەدى «عىلىم ورداسى» ر م ك ۇجىمىنىڭ كوڭىل ايتۋ حاتىندا.

ەسكە سالايىق، ابدىمالىك نىسانباي ۇلى نىسانبايەۆ 1937 -جىلى 1- مامىردا قىزىلوردا وبلىسى سىرداريا اۋدانى قاراۋىلتوبە اۋىلىندا دۇنيەگە كەلگەن.

عالىم، فيلوسوفيا عىلىمىنىڭ دوكتورى (1977)، پروفەسسور (1980) ق ر ۇ ع ا اكادەميگى (2003)، قازاقستاننىڭ ەڭبەك سىڭىرگەن عىلىم مەن تەحنيكا قايراتكەرى (1994)، قىرعىز رەسپۋبليكاسىنىڭ ەڭبەك سىڭىرگەن عىلىم قايراتكەرى (1995).

1960 -جىلى قورقىت اتا اتىنداعى قىزىلوردا مەملەكەتتىك ۋنيۆەرسيتەتىن بىتىرگەن. 1960-1961 -جىلدارى ك س ر و ع ا- نىڭ حيميا عىلىمدارى ينستيتۋتىندا اعا لابورانت، 1961-1976 -جىلدارى قازاقستان ع ا- نىڭ فيلوسوفيا جانە قۇقىق ينستيتۋتىندا كىشى عىلىمي قىزمەتكەر، اعا عىلىمي قىزمەتكەر، عىلىم فيلوسوفياسى جانە مەتودولوگياسى ءبولىمىنىڭ مەڭگەرۋشىسى. 1990 -جىلدان فيلوسوفيا جانە قۇقىق ينستيتۋتىنىڭ (قازىرگى فيلوسوفيا جانە ساياساتتانۋ ينستيتۋتى) ديرەكتورى. سونىمەن قاتار 1997-2003 -جىلدارى «قازاق ەنتسيكلوپەدياسى» باسپاسىنىڭ باس رەداكتورى قىزمەتىن قوسا اتقاردى.

ابدىمالىك نىسانبايەۆتىڭ نەگىزگى زەرتتەۋ ەڭبەكتەرى ديالەكتيكا جانە تانىم تەورياسى، عىلىم فيلوسوفياسى مەن مەتودولوگياسى، قازاق جانە تۇركى فيلوسوفياسى، الەۋمەتتىك جانە ساياسي فيلوسوفيا، ساياساتتانۋ جانە مادەنيەتتانۋ ماسەلەلەرىنە ارنالدى. ول عىلىمي مەكتەپ قالىپتاستىرىپ، كوپتەگەن عىلىم دوكتورلارى مەن كانديداتتارىن دايىندادى.

نىسانبايەۆ 570-تەن استام عىلىمي، عىلىمي- ساراپتامالىق، عىلىمي- ادىستەمەلىك ەڭبەكتەر، سونىڭ ىشىندە 30 مونوگرافيا، جەكە كىتاپتار مەن وقۋ قۇرالدارىن جازعان. ءبىرقاتار ەڭبەكتەرى 25 شەت تىلىندە جارىق كورگەن. عىلىمداعى ەڭبەگى ءۇشىن قازاقستاننىڭ (1984) جانە تۇركيانىڭ (1999) مەملەكەتتىك سىيلىقتارىن، ق ر پرەزيدەنتىنىڭ بەيبىتشىلىك پەن رۋحاني تاتۋلىق سىيلىعىن العان (1998)، «وتان»، «پاراسات» (2004) وردەندەرى (1998) مەن بىرنەشە مەدالدارمەن ماراپاتتالعان. 2005-جىلى «فيلوسوف نىسانبايەۆ» اتتى دەرەكتى فيلم جارىق كوردى.

فوتو: a-askar.kz

اۆتور

دۋمان ارعىنگەلدى