ەلوردا اكىمىمەن كەزدەسۋدە تۇرعىندار قالاداعى ماڭىزدى ماسەلەلەردى كوتەردى

استانا. قازاقپارات - ەلوردا اكىمى جەڭىس قاسىمبەك قالاداعى قۇرىلىسى ۇزاققا سوزىلعان ءبىرقاتار تۇرعىن ۇيلەردىڭ ۇلەسكەرلەرىمەن كەزدەستى، دەپ حابارلايدى قازاقپارات.

كەزدەسۋ بارىسىندا كوتەرىلگەن ماسەلەلەر تۋرالى بۇگىن قالا اكىمى ءوزىنىڭ Facebook پاراقشاسىندا جازدى، دەپ حابارلايدى قازاقارات.

«قالاداعى قۇرىلىسى ۇزاققا سوزىلعان نىسانداردى ارالاۋدى جالعاستىرامىن. كوپپاتەرلى ءۇش تۇرعىن ءۇي كەشەندەرىنىڭ ۇلەسكەرلەرىمەن قايتا كەزدەستىم. ولار - «كورگالجىنسكي كۆارتال»، «كومسومولسكي»، «ارىستان» تۇرعىن ءۇي كەشەندەرى. قۇرىلىستىڭ توقتاپ قالماۋى جانە ۇلەسكەرلەردىڭ جۇمىس ناتيجەسىن كورگەنى ماڭىزدى، سول سەبەپتى قۇرىلىس الاڭدارىندا تۇراقتى تۇردە كەزدەسۋ وتكىزەمىز»، - دەدى اكىم.

ونىڭ سوزىنشە، تۇرعىن ءۇي كەشەندەرىنىڭ جاعدايى قيىن بولاتىن. ماسەلەن «ارىستان» تۇرعىن ءۇي كەشەنىنىڭ قۇرىلىسى 11 جىل بۇرىن باستالعان. نىساندى تاپسىرار كەزدە نەبارى %20-30 عا دايىن ەدى. مۇندا 450 گەكتار تارتا ۇلەسكەر وتباسى پاتەرىن كۇتىپ ءجۇردى. تۇرعىن ءۇي كەشەنى بىرنەشە بلوكتان تۇرادى، ولاردىڭ ءبىر بولىگى اياقتالىپ، ۇلەسكەرلەرگە پاتەر كىلتى تابىس ەتىلدى. قالعان بلوكتار دا اياقتالادى. «كومسومولسكي» تۇرعىن ءۇي كەشەنى 8 جىل بۇرىن پروبلەمالى دەپ تانىلعان. مۇندا 600 دەن استام ۇلەسكەر وتباسى بار.

«ۇلەسكەرلەر كەزدەسۋلەردە ينجەنەرلىك جەلىلەر سالۋ، اباتتاندىرۋ، قوسىمشا اۆتوبۋس باعىتىن ىسكە قوسۋ سەكىلدى وزگە دە ماسەلەلەردى كوتەرەدى. ءبىز ءوز تاراپىمىزدان مەردىگەرلەرگە بارىنشا كومەك كورسەتەمىز. ءبىزدىڭ مىندەتىمىز - قۇرىلىسى ۇزاققا سوزىلعان نىسانداردى اياقتاپ، ۇلەسكەرلەرگە باسپانا كىلتىن تابىس ەتۋ»، - دەدى جەڭىس قاسىمبەك.

وسىعان دەيىن ەلوردادا ەكى جىل ىشىندە 40 تان استام جايلى مەكتەپ سالىناتىنىن حابارلاعان بولاتىنبىز.