ءماجىلىس جانە ءماسليحات سايلاۋى: و س ك كىمدەردى تىركەدى
ورتالىق سايلاۋ كوميسسياسى ەلدە رەسمي تىركەلگەن جەتى پارتيانى دا سايلاۋعا جىبەرىپ وتىر. وسى اپتادا الگى پارتيالاردىڭ ءبارىنىڭ كانديداتتارىن و س ك تىركەگەنىن ءمالىم ەتتى. سونداي-اق حالىقارالىق بايقاۋشىلاردىڭ قاتارى تولىعا ءتۇستى. قازاقپارات ءوتىپ بارا جاتقان اپتادا سايلاۋ توڭىرەگىندە بولعان باستى وقيعالارعا شولۋ ۇسىنادى.
اپتا ىشىندە التى پارتيا كانديداتتار ءتىزىمىن جاڭارتتى
اۋەلى و س ك جالپىۇلتتىق سوتسيال- دەموكراتيالىق پارتياسىنىڭ ءماجىلىس دەپۋتاتتىعىنا كانديداتتارىنىڭ پارتيالىق ءتىزىمىن تىركەدى.
و س ك مۇشەسى اناستاسيا شەگورتسوۆانىڭ مالىمەتىنە سۇيەنسەك، ج س د پ 19 ادامنان تۇراتىن پارتيالىق ءتىزىمدى ۇسىنعان. بۇل تىزىمدە 6 كانديدات بار: ايەلدەر، جاستار جانە مۇگەدەكتىگى بار ادامدار. ولار كانديداتتاردىڭ جالپى سانىنىڭ 31,6 پايىزىن قۇرايدى.
بۇل ءتىزىم 2-قاراشا كۇنى جاريالانعان بولاتىن.
ال «اق جول» پارتياسىنىڭ ءتىزىمى ج س د پ ۇسىنعان تىزىمگە قاراعاندا اۋقىمدىراق بولدى. و س ك «اق جول» قازاقستاننىڭ دەموكراتيالىق پاتياسى ۇسىنعان 54 ادامنان تۇراتىن پارتيالىق ءتىزىمدى تىركەدى. بۇل تىزىمگە 33,3 پايىز كولەمىندە ايەل، جاستار ساناتىنا جاتاتىن جانە مۇگەدەكتىگى بار 18 ادام ەنگىزىلگەن.
پارتيا وكىلدەرى سايلاۋعا ۇسىنىلعان ءتىزىمىنىڭ 60 پايىزى جاڭا ەسىمدەر ەكەنىن ايتىپ ءجۇر. ۇسىنىلعان 54 ادامنىڭ 20 سىن پارتيالىق تىزىمگە وڭىرلەردەگى فيليالدار شىعارسا، 11 ادام بۇعان دەيىن ماجىلىستە تاجىريبە جيناقتاپ ۇلگەرگەن تۇلعالار. بۇل پارتيا اتىنان سىنعا تۇسەتىن كانديداتتاردىڭ جالپى ءتىزىمىن مىنانداي.
«اۋىل» حالىقتىق- دەموكراتيالىق پارتياسى بۇل سايلاۋعا 25 ادامنان تۇراتىن ءتىزىم ۇسىنعان بولاتىن. ورتالىق سايلاۋ كوميسسياسى بۇل ءتىزىمدى دە تىركەدى.
25 ادامنان تۇراتىن پارتيالىق تىزىمدەگى 10 كانديدات «ايەلدەر، جاستار جانە مۇگەدەكتىگى بار ادامدار» ساناتىنا جاتادى. بۇل كانديداتتاردىڭ جالپى سانىنىڭ 41 پايىزى دەگەن ءسوز.
2021 -جىلدىڭ قاڭتارىندا بولعان ءماجىلىس سايلاۋىندا «اۋىل پارتياسى» حالىقتىڭ %5,29 داۋىسىن جيناعانىن ەسكەرىپ، و س ك ولاردى سايلاۋ جارناسىن تولەۋدەن بوساتتى.
ءدال وسىنداي سەبەپپەن «Amanat» پارتياسى دا سايلاۋ جارناسىن تولەۋدەن بوساتىلدى. ويتكەنى وسىعان دەيىنگى سايلاۋدا حالىقتىڭ 71,09 پايىز داۋىسىن جيناعانى تىركەلگەن بولاتىن.
و س ك بۇل پارتيانىڭ ۇسىنعان كانديداتتارىن دا تىركەدى. مۇنداعى 90 ادام پارتيالىق تىزىمگە ەنگەن. ونىڭ ىشىندە 29 كانديدات «ايەلدەر، جاستار جانە مۇگەدەكتىگى بار ادامدار» ساناتىنا جاتادى. بۇل كانديداتتاردىڭ جالپى سانىنىڭ 32,2 پايىزى دەگەن ءسوز.
جالپى «Amanat» اتىنان پارتيالىق تىزىممەن 90 ادام، 29 ادام ءبىرمانداتتىق جۇيە بويىنشا باق سىناماق.
و س ك «بايتاق» جاسىلدار پارتياسىنىڭ ءماجىلىس دەپۋتاتتىعىنا كانديداتتارىنىڭ پارتيالىق ءتىزىمىن دە تىركەدى. ول ءتىزىم 18 ادامنان تۇرادى. تىزىمدەگى 7 كانديدات - ايەلدەر، جاستار جانە مۇگەدەكتىگى بار ادامدار. بۇل كانديداتتاردىڭ جالپى سانىنىڭ 38,9 پايىزىنا تەڭ.
«Respublica» پارتياسى الداعى سايلاۋعا 25 اداممەن قاتىسپاقشى. و س ك ولاردىڭ پارتيالىق ءتىزىم بويىنشا ۇسىنعان 23 كانيداتىن تىركەدى. تىركەۋ بارىسىندا و س ك Respublica پارتياسى سايلاۋعا ۇسىنعان تىزىمنەن 2 ادامدى الىپ تاستادى.
ناقتىراق ايتساق، دارحان سەرىك ۇلى يماناشەۆتىڭ 10-اقپانداعى جانە ولجاس اباز ۇلى سۇلتانوۆتىڭ 11-اقپانداعى ءوتىنىشى ق ر ورتالىق سايلاۋ كوميسسياسىنا 14-اقپاندا كەلىپ تۇسكەن. و س ك- نىڭ شەشىمىنە وسى وتىنىشتەر نەگىز بولعان.
كانديداتتاردى تىركەۋ شاراسىنان كەيىن ب ا ق وكىلدەرىنە سۇحبات بەرگەن پارتيا باسشىلىعى ۇسىنىلعان ءتىزىمنىڭ قالايشا جىلدام قىسقارعانىن ءتۇسىندىردى.
ونىڭ الدىندا عانا Respublica پارتياسىنىڭ تەڭ ءتوراعاسى سىرىمبەك تاۋ ءماجىلىس سايلاۋىنان رەسمي تۇردە شەتتەتىلىپ، الەۋمەتتىك جەلىدە قىزۋ پىكىرتالاس تۋدىرعان ەدى.
Respublica پارتياسىنىڭ 6-اقپاندا بەكىتكەن كانديداتتار ءتىزىمى مىنانداي بولاتىن. ال و س ك تىركەگەن پارتيالىق تىزىمدەگى 23 ادامنىڭ 8 كانديداتى - ايەلدەر، جاستار جانە مۇگەدەكتىگى بار ادامدار. بۇل بۇكىل كانيداتتاردىڭ 34,8 پايىزىنا تەڭ.
وسىلايشا ءماجىلىس سايلاۋىنا رەسمي تىركەلە العان ساياسي پارتيالاردان 283 كانديدات پارتيالىق ءتىزىم بويىنشا، 609 كانديدات ماجوريتارلىق جۇيە بويىنشا ۇسىنىلدى. ال بۇكىل دەڭگەيدەگى ءماسليحاتتار سايلاۋىنا 1471 ادام پارتيالىق تىزىممەن، 11844 كانديدات ماجوريتارلىق جۇيە بويىنشا قاتىسپاقشى.
شەتەلدىك بايقاۋشىلاردىڭ قاراسى كوبەيىپ كەلەدى
ورتالىق سايلاۋ كوميسسياسى الداعى ءماجىلىس جانە ءماسليحاتتار سايلاۋىن قاداعالاۋعا نيەت بىلدىرگەن حالىقارالىق بايقاۋشىلاردى اككرەديتتەۋدى جاسعاستىرىپ جاتىر.
ورتالىق سايلاۋ كوميسسياسىنىڭ حاتشىسى مۇحتار ەرمان 15-اقپانداعى كوميسسيا وتىرىسىندا حالىقارالىق بايقاۋ ينستيتۋتى اشىلعاننان بەرى 6 شەت مەملەكەتتەن، 3 حالىقارالىق ۇيىمنان 72 بايقاۋشى رەسمي تىركەۋدەن وتكەنىن ءمالىم ەتتى.
ولاردىڭ ىشىندە كورەيا رەسپۋبليكاسى، قىرعىز رەسپۋبليكاسىنان 1 بايقاۋشىدان، ت م د-نىڭ بايقاۋشىلار ميسسياسىنان 7، دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنىڭ سايلاۋدى بايقاۋ جونىندەگى ميسسياسىنان 2 بايقاۋشى بار. وسى اپتادا بۇل قاتارعا ارمەنيا رەسپۋبليكاسىنان 2 جانە گرۋزيادان 2 بايقاۋشى، فرانسيا رەسپۋبليكاسىنان 3 كانديداتۋرا تىركەلدى.
بۇعان دەيىن ە ق ى ۇ/د ي ا ق ب قازاقستانداعى پارلامەنتتىك سايلاۋدى قاداعالاۋ جونىندەگى ميسسياسىنىڭ باسشىسى وۋەن مەرفي 332 بايقاۋشى قازاقستانداعى سايلاۋدى باقىلايتىنىن ايتقان. ونىڭ ىشىندە 32 بايقاۋشى ۇزاق مەرزىمدى بايقاۋ جۇرگىزسە، 300 وكىل قىسقا مەرزىمدى بايقاۋ جاسايدى.
سونداي-اق، بريتان پارلامەنتى ۇلى بريتانيا قاۋىمدار پالاتاسىنىڭ دەپۋتاتى دانيەل كاۆچينسكيدى ق ر پارلامەنتى ماجىلىسىنە سايلاۋىنا باقىلاۋشى ەتىپ جىبەرۋدى جوسپارلاپ وتىرعانىن مالىمدەدى.
«ءبىز بەيبىتشىلىك ماسەلەسىندە ۇستانىمى بىزدىكىنە ۇقساس، دەموكراتيا مەن بوستاندىقتى ىلگەرىلەتۋدى قالايتىن قازاقستان سياقتى ەلدەرمەن بايلانىستى نىعايتقىمىز كەلەدى. مەن ءۇشىن استاناعا الداعى سايلاۋدى باقىلاۋشى رەتىندە شاقىرتۋ الۋ ۇلكەن مارتەبە ءارى دارەجە. سايلاۋ ۋچاسكەلەرىندەگى ناقتى جاعدايدى كورىپ، داۋىس بەرۋگە كەلگەن قازاقستاندىقتارمەن تىلدەسكىم كەلەدى»، - دەدى دانيەل كاۆچينسكي قازاقپارات تىلشىسىنە بەرگەن سۇحباتىندا.
تۇيىندەسەك، وسى اپتانىڭ اياعىنداعى جاعداي بويىنشا، حالىقارالىق بايقاۋ ينستيتۋتى اشىلعاننان بەرى التى شەت مەملەكەتتەن جانە ءۇش حالىقارالىق ۇيىمنان 72 باقىلاۋشى و س ك تىركەۋىنەن ءوتتى.
