موپەد پەن ەلەكترلى ساموكات مىنگەندەرگە پوليتسيا ەشتەڭە ىستەي الماي وتىر - الماتى اكىمى
بۇل تۋرالى ناۋرىزباي اۋدانىنىڭ تۇرعىندارىمەن كەزدەسۋ كەزىندە قالا اكىمى ەربولات دوسايەۆ ايتتى، دەپ حابارلايدى قازاقپارات ءتىلشىسى.
«موپەدپەن تاماق جەتكىزۋشىلەردىڭ كولىك قۇرالىن جۇرگىزۋ كۋالىكتەرى دە جوق. ولار كەز كەلگەن جەرمەن جۇرە بەرەدى، باعدارشامدارعا توقتامايدى. ونىڭ ۇستىنە، 16-18 جاستاعى بالالار. ولار جول بويىندا باسقا جۇرگىزۋشىلەرگە دە قاۋىپتى جاعداي تۋعىزادى. سوندىقتان، بۇل ماسەلەنى شەشۋىڭىزدى سۇرايمىن»، - دەدى اكىمگە اۋدان تۇرعىنى.
ەربولات دوسايەۆ قازىرگى تاڭدا موپەد پەن ەلەكترلى ساموكاتتار كولىك قۇرالى بولىپ سانالمايتىنىنا توقتالىپ، سول ءۇشىن پوليتسيا ولارعا ەشتەڭە ىستەي الماي وتىرعانىن جەتكىزدى.
«دەگەنمەن، ىشكى ىستەر مينيسترلىگى موپەد پەن ەلەكتروساموكاتتى كولىك قۇرالى قاتارىنا قوسۋ تۋرالى پارلامەنت ماجىلىسىنە زاڭ جوباسىن ۇسىنعان بولاتىن. كوكتەمدە پارلامەنت ءماجىلىسىنىڭ سايلاۋى وتكەن سوڭ، دەپۋتاتتار زاڭ جوباسىن قاراپ، ونى قابىلدايدى دەپ ۇمىتتەنەمىن. كولىك قۇرالى بولىپ تانىلعان سوڭ، پوليتسيا جۇرگىزۋشى كۋالىكتەرىن تالاپ ەتىپ، ولاردىڭ ءجۇرۋ ەرەجەلەرىن رەتتەيدى»، - دەدى ەربولات دوسايەۆ.
ەسكە سالايىق، ماجىلىستە ەلەكتروساموكاتپەن ءجۇرۋ ءتارتىبىن رەتتەيتىن قۇجات تالقىلاناتىنى تۋرالى حابارلاعانبىز.
سونداي- اق، الماتى پوليسياسى قاجەتتى شارالار قابىلداناتىنىن مالىمدەگەن ەدى.
وتكەن جىلى الماتىدا موپەد جۇرگىزۋشىلەرى ءبىر كۇن ىشىندە 114 رەت جول ەرەجەسىن بۇزعان.
