قازاقستاندا جۇمىسسىز بولا تۇرا، ونى ىزدەۋگە جانە ەڭبەك ەتۋگە قۇلقى جوق ادامدار كوپ

استانا. قازاقپارات - قازاقستاندا جۇمىسسىز بولا تۇرا، ونى ىزدەۋگە جانە ەڭبەك ەتۋگە قۇلقى جوق 39,5 مىڭ ادام تىركەلگەن. بۇل تۋرالى قازاقپارات ءتىلشىسى ۇلتتىق ستاتيستيكا بيۋروسىنا سىلتەمە جاساپ حابارلايدى.

وتكەن جىلدىڭ ءتورتىنشى توقسانىندا قازاقستان ەكونوميكاسىنىڭ ءتۇرلى سالالارىندا 9 ميلليون ادام جۇمىسپەن قامتىلدى. ولاردىڭ 6,9 ميلليونى جالدامالى قىزمەتكەر بولسا، 2,1 ميلليون ادام ءوزىن- ءوزى جۇمىسپەن قامتۋشىلار.

بيۋرو دەرەگىنشە، تولىق جۇمىسپەن قامتىلماعاندار سانى بىلتىرعى ءۇشىنشى توقسانمەن سالىستىرعاندا %9,9 عا ءوسىپ، 268,9 مىڭ ادام بولدى.

بىلتىرعى قورىتىندى بويىنشا جۇمىسسىز قازاقستاندىقتار سانى - 456,1 مىڭ ادام. ال وسى ارالىقتا قىزمەت ەتۋگە قۇلىقسىزدار %19,3 بولىپ تومەندەدى. ياعني، ەلىمىزدە جۇمىس ىستەۋگە نيەتى جوقتار سانى - 39,5 مىڭ ادام.