الماتى-وسكەمەن اۆتوجولىندا قاڭتار وقيعاسىندا ۇرلانۋى مۇمكىن قارۋ تابىلدى

قونايەۆ. قازاقپارات - الماتى- وسكەمەن اۆتوجولى بويىندا قاڭتار وقيعاسىندا ۇرلانعان بولۋى مۇمكىن قارۋ تابىلدى، دەپ حابارلايدى قازاقپارات ءتىلشىسى.

الماتى وبلىسىنىڭ پوليتسيا دەپارتامەنتىنەن حابارلاعانداي، 13-اقپان كۇنى الماتى- وسكەمەن اۆتوجولىندا، ارنا اۋىلىنىڭ ماڭىنان پوليەتيلەن پاكەتىنە سالىنعان مىلتىق تابىلدى. ناقتى ايتقاندا، پاكەت ىشىندە قاڭتار وقيعاسى كەزىندە ۇرلانعان بولۋى مۇمكىن BENELLI 12 كاليبرلى تەگىس ۇڭعىلى مىلتىق بولعان.

«وسى وقيعا قونايەۆ ق پ ب- دا تىركەلدى. قاجەتتى ساراپتامالىق تەكسەرۋلەر تاعايىندالدى جانە تەرگەۋ جۇرگىزىلىپ جاتىر»، - دەپ حابارلادى الماتى وبلىسىنىڭ پوليتسيا دەپارتامەنتىنىڭ باسپا ءسوز قىزمەتىندە.

فوتو: الماتى وبلىسىنىڭ پوليتسيا دەپارتامەنتى