ج س د پ ءتوراعاسى: قازاق ءتىلىن تەزىرەك ۇيرەنۋگە بار كۇش- جىگەرىمدى سالامىن

استانا. قازاقپارات – جالپى ۇلتتىق سوتسيال- دەموكراتيالىق پارتياسىنىڭ ءتوراعاسى اسحات راحىمجانوۆ قازاق ءتىلىن تەزىرەك ۇيرەنىپ الۋ ءۇشىن بار كۇش-جىگەرىن سالاتىندىعىن ايتتى، دەپ حابارلايدى قازاقپارات ءتىلشىسى.

ايتا كەتەرلىگى، بۇگىن ورتالىق سايلاۋ كوميسسياسى ج س د پ-نىڭ ءماجىلىس دەپۋتاتتاعىنا كانديداتتارىنىڭ پارتيالىق ءتىزىمىن تىركەگەن بولاتىن. وسى ءىس- شارادان كەيىنگى بريفينگ بارىسىندا ب ا ق وكىلدەرى پارتيا ءتوراعاسى اسحات راحىمجانوۆتان قازاق ءتىلىن قاشان ۇيرەنەتىندىگىن سۇراعان ەدى.

«ارينە، بۇل وتە بايىپتى ماسەلە، ونىمەن اينالىسىپ جاتىرمىن. قازاق ءتىلىن تەزىرەك ۇيرەنىپ الۋ ءۇشىن بار كۇش-جىگەرىمدى سالامىن. بۇل مەنىڭ انا ءتىلىم ءارى ءتىلىمدى بىلمەيتىندىگىم ءوز الدىمداعى جەكە جاۋاپكەرشىلىگىم»، - دەدى پارتيا ءتوراعاسى.

وسى رەتتە ب ا ق وكىلدەرى ودان «انا ءتىلىن بىلمەگەنىڭىز ءۇشىن ۇيالمايسىز با؟» دەپ ساۋال قويدى.

«ارينە»، - دەپ ول ۇيالاتىندىعىن ءبىلدىردى.

اۆتور

مارلان جيەمباي