ساۋساق پەن مويىندى قىتىرلاتۋ زيان با؟ تراۆماتولوگ جاۋابى

استانا. قازاقپارات - ورتوپەديالىق تۇرعىدان العاندا، ساۋساقتاردى قىتىرلاتۋ ۋاقىت وتە كەلە دەنەدە قانداي دا ءبىر تۇراقسىزدىققا اكەلۋى مۇمكىن.

بەلگىلى قازاقستاندىق دارىگەر، س. اسفەندياروۆ اتىنداعى قاز ۇ م ۋ تراۆماتولوگيا جانە ورتوپەديا كافەدراسىنىڭ مەڭگەرۋشىسى، قازاقستان تراۆماتولوگتار قاۋىمداستىعىنىڭ ۆيتسە-پرەزيدەنتى قانات تەزەكبايەۆ بۋىنداردى قىتىرلاتۋ زيان با، دەگەن ساۋالعا جاۋاپ بەردى، - دەپ حابارلايدى Tengrinews.kz.

تراۆماتولوگتىڭ ايتۋىنشا، ساۋساقتاردى قىتىرلاتۋدىڭ اۋىر زارداپتارى تۋرالى تىكەلەي دالەلدەر جوق، ءبىراق تەوريالىق تۇرعىدان مۇنداي ادەت بۋىندار مەن سۇيەكتەرگە كەرى اسەر ەتۋى مۇمكىن.

«ادامداردا ساۋساقتارىن قىتىرلاتىپ نەمەسە موينىن وڭعا-سولعا اينالدىرىپ، قوزعالىس جاسايتىن ادەتى بار. سودان كەيىن جەڭىلدەپ قالعانداي سەزىنەسىڭ. ورتوپەديالىق تۇرعىدان العاندا، ساۋساقتاردى قىتىرلاتۋ ۋاقىت وتە كەلە دەنەدە قانداي دا ءبىر تۇراقسىزدىققا اكەلۋى مۇمكىن. سەبەبى سۇيەكتەر ءبىر-بىرىنە ۇيكەلىپ، قاجالادى. ۋاقىت وتە كەلە ادامداردىڭ ءوزى بۇل ادەتتەن الىستايدى دەپ ويلايمىن»، - دەدى قانات تەزەكبايەۆ.