قازاقستان قۇتقارۋشىلارى تۇركيادا مەديتسينالىق كومەك كورسەتۋ پۋنكتىن اشتى
ت ج م- ءنىڭ باسپا ءسوز قىزمەتىنەن ءمالىم ەتكەندەي، جويقىن جەر سىلكىنىسىنەن كەيىن ىزدەستىرۋ- قۇتقارۋ جۇمىسىن جۇرگىزۋ ءۇشىن تۇركياعا جىبەرىلگەن قازاقستان قۇتقارۋشىلارىنىڭ قۇرامىندا اپاتتار مەديتسيناسى ورتالىعىنىڭ ماماندارى بار.
دارىگەرلەر العاشقى مەديتسينالىق- سانيتارلىق كومەك كورسەتۋ ءۇشىن پنيەۆموكاركاستى مودۋل ورناتتى. ول - تۇرعىندارعا بىلىكتى كومەك كورسەتۋگە ارنالعان دالالىق مەديتسينالىق پۋنكت. قابىلداۋدى اپاتتار مەديتسيناسىنىڭ بىلىكتى دارىگەرلەرى جۇرگىزۋدە.
«گازيانتەپ قالاسىنىڭ تۇرعىندارىن تاۋلىك بويى قابىلداۋ بارىسىندا اپاتتار مەديتسيناسى ورتالىعىنىڭ دارىگەرلەرى - جيىرماعا جۋىق ناۋقاسقا، ولاردىڭ ىشىندە ەكى بالاعا كونسۋلتاتسيالىق جانە بىلىكتى مەديتسينالىق كومەك كورسەتتى. ادامدار وسى پۋنكتكە كوبىنەسە جىلىنۋعا، تۋىستارى مەن جاقىندارىن قۇتقارۋشىلار تاۋىپ العانشا كۇتۋگە كەلەدى. ويتكەنى كوپشىلىگى باسپاناسىز قالدى.
ت ج م پنيەۆموكاركاس مودۋلدەرىن وتكەن جىلى ساتىپ العانىن اتاپ وتكەن ءجون. اتالعان دالالىق مەديتسينالىق گوسپيتال ءىرى ءزىلزالالار مەن اپاتتار تۋىنداعان كەزدە ورنالاستىرۋعا ارنالعان. مۇنداي ءموبيلدى اۋرۋحانا تولىق ورنالاستىرىلعان كەزدە كۇنىنە 200-گە جۋىق زارداپ شەككەن ادامدى قابىلداي الادى.
ءوز ءومىرىن قاۋىپ- قاتەرگە تىگىپ تۇركياداعى ءزىلزالا ورنىندا اۋىر جاعدايدا قىزمەت اتقارىپ جاتقان قۇتقارۋشىلاردىڭ دا دەنساۋلىعىن ساقتاۋ ت ج م مەديتسينا قىزمەتكەرلەرىنىڭ باستى مىندەتتەرىنىڭ ءبىرى. دارىگەرلەردىڭ ايتۋىنشا، بۇگىنگى كۇنى تۇركياداعى ت ج م جەكە قۇرامىنىڭ دەنساۋلىعى جاقسى، ولار پسيحولوگيالىق تۇرعىدان ساۋ»، - دەلىنگەن مينيسترلىك مالىمەتىندە.
رەداكتور
گۇلميرا الياكپاروۆا
