تۇركيادا تاعى جەر سىلكىنىسى تىركەلدى
«ەۋروپالىق- جەرورتا تەڭىزى سەيسمولوگيالىق ورتالىعىنىڭ (EMSC) ايتۋىنشا، 4,8 بالدىق جەر سىلكىنىسى تۇركيانىڭ ورتالىق بولىگىندە تىركەلگەن. جەر سىلكىنىسى UTC ۋاقىتى بويىنشا 07.18 دە تۇركياداعى جويقىن جەر سىلكىنىسىنىڭ ەپيتسەنترى - كاحرامانماراش قالاسىنان وڭتۇستىك- باتىسقا قاراي 44 شاقىرىم جەردە تىركەلدى، تەرەڭدىگى 10 شاقىرىم»، - دەپ جازىلعان حابارلامادا.
ايتا كەتەيىك، تۇركياداعى جەر سىلكىنىسىنەن قازا بولعاندار سانى 12,3 مىڭنان استى، 62914 ادام جاراقات الدى. حالىقتى ورنالاستىرۋ ءۇشىن 70818 شاتىر تىگىلگەن.
قازاقستان قۇتقارۋشىلارىنىڭ ەكىنشى توبى گازيانتەپ قالاسىنا جەتتى.
بۇل ۇشاق قايتار جولدا قازاقستان مەن قىرعىزستاننىڭ 64 ازاماتىن ەۆاكۋاتسيالادى.
مەملەكەت باسشىسى قاسىم- جومارت توقايەۆ توتەنشە جاعدايلار ءمينيسترى يۋري ءيليننىڭ ەسەبىن تىڭداپ، تۇركيادا جۇمىس ىستەپ جاتقان قازاقستان قۇتقارۋشىلارىنا ساتتىلىك تىلەدى.
سونداي- اق قازاقستاندىقتار تۇركيادا زارداپ شەككەندەرگە كيىز ءۇي الۋعا 18 ميلليون تەڭگە جيناپ بەردى.
