ەنتوني بلينكەن: قىتاي ا ق ش- تىڭ ەگەمەندىگى مەن حالىقارالىق قۇقىعىنا قول سۇقتى
ا ق ش اسپانىندا بىرنەشە كۇن بويى قالىقتاعان قىتايدىڭ اۋە شارى اتىپ تۇسىرىلگەن ەدى. قازىر قالدىقتارىن سۇڭگۋىرلەر ءسۇزىپ الىپ شىقتى.
نۇربەك بەكەن، ءتىلشى:
- بىرنەشە كۇننەن بەرى ا ق ش اقپارات قۇرالدارى قىتايدىڭ بارلاۋ شارى تۋرالى جارىسا جازىپ جاتىر. اۋە- تەڭىز كۇشتەرى تاراتقان مىنا كادرلاردا وفيتسەرلەر وڭتۇسىك كارولينا جاعالاۋىنان شاردىڭ قالدىقتارىن سۋدان شىعارىپ جاتىر. وتكەن دەمالىس كۇنى اتىپ تۇسىرىلگەن تىڭشى شاردى قالپىنا كەلتىرۋ جۇمىستارى جۇرگىزىلەدى، - دەپ مالىمدەدى پەنتاگون.
ال قىتاي بولسا، بۇل اپپاراتتىڭ مەتەورولوگيالىق، عىلىمي ماقساتتا ۇشىرىلعانىن ايتىپ وتىر. ءبىراق بۇگىن ناتو- نىڭ باس حاتشىسى يەنس ستولتەنبەرگ پەن ا ق ش مەملەكەتتىك حاتشىسى ەنتوني بلينكەن شۋلى شارعا بايلانىستى ارنايى باسپا ءسوز كونفەرەنسيا بەرىپ، بىلاي دەدى.
ەنتوني بلينكەن، ا ق ش مەملەكەتتىك حاتشىسى:
- وتكەن اپتادا بەيجىڭ ا ق ش- تىڭ اۋە كەڭىستىگىندە قىتايلىق بارلاۋ شارىنىڭ ۇشىرىپ، ا ق ش- تىڭ ەگەمەندىگى مەن حالىقارالىق قۇقىقتى ورەسكەل بۇزدى. بۇل جاۋاپسىز ارەكەت بولدى. بۇعان جاۋاپ رەتىندە ءبىز ءوز مۇددەلەرىمىزدى قورعاۋ ءۇشىن جاۋاپكەرشىلىكپەن جانە ساقتىقپەن ارەكەت ەتتىك.
يەنس ستولتەنبەرگ، ناتو باس حاتشىسى:
– ا ق ش اسپانىنداعى قىتايدىڭ اۋە شارى قىتايدىڭ قازىرگى ۇستانىمىن راستايدى. ءبىز قىتايدىڭ سوڭعى 2 جىلدا جاڭا اسكەري مۇمكىندىكتەرگە، سونىڭ ىشىندە باقىلاۋ جانە بارلاۋ پلاتفورمالارىنىڭ ءارتۇرلى تۇرلەرىنە قوماقتى قارجى سالعانىن كورەمىز. ءبىز، سونداي- اق، قىتايلىق بارلاۋدىڭ كۇشەيىپ جاتقانىن كورىپ وتىرمىز.
نۇربەك بەكەن، ءتىلشى:
- ال پەنتاگوننىڭ باسپا ءسوز حاتشىسى پاتريك رايدەر بۇعان دەيىن دە قىتايدىڭ 4 اۋە شارى ا ق ش اسپانىندا ۇشىپ وتكەنىن ايتتى. ونىڭ سوزىنشە، بۇل اپاراتتار ازاماتتىق ماقساتقا ارنالماعان. وعان %100سەنىمدىمىن دەدى. ەستەرىڭىزگە سالايىن، وتكەن اپتادا ا ق ش اۋەدە بىرنەشە كۇن قالىقتاعان قىتايلىق شاردى تىڭشىلىق جاسادى دەپ اتىپ تۇسىرگەن بولاتىن.
www.24.kz
