ءۇيىندى استىندا ادامدار بولۋى مۇمكىن: قازاقستاندىق قۇتقارۋشى ءيت بەلگى بەردى - ۆيدەو
بۇل - ىزدەستىرۋ- قۇتقارۋ جۇمىستارى جالعاسىپ جاتقان ۋچاسكەلەردىڭ جانىندا ورنالاسقان تولىعىمەن قيراعان ءۇي، دەپ حابارلايدى قازاقپارات ق ر توتەنشە جاعدايلار مينيسترلىگىنىڭ باسپاءسوز قىزمەتىنە سىلتەمە جاساپ.
باسپاءسوز قىزمەتىنىڭ حابارلاۋىنشا، بۇل نىساندا ت ج م رەسپۋبليكالىق جەدەل- قۇتقارۋ جاساعىنىڭ كينولوگيالىق ەسەپتوبىنىڭ دجەيكوب ەسىمدى ءيتى ءتىرى ادامنىڭ ۇيىندىلەردىڭ استىندا بولۋى مۇمكىن ەكەندىگى تۋرالى بەلگى بەردى.
دجەيكوبتىڭ بەلگىسى نەگىزىندە «تىنىشتىق مينۋتىن» جاريالاۋ تۋرالى شەشىم قابىلداندى. بۇل ۋاقىت كومەك سۇراعان كەزدە ادامداردىڭ ۇيىندىلەردىڭ استىنداعى داۋىستارىن ەستۋگە مۇمكىندىك بەرەدى.
«دجەيكوب - ناعىز دوس، مالينۋا تۇقىمىنىڭ ءيتى. توتەنشە جاعدايعا تاپ بولعان ادامدارعا قانشاما رەت كومەكتەسكەن. 6 جىل بويى قۇتقارۋشى بولىپ جۇمىس ىستەيدى»،- دەلىنگەن حابارلامادا.
