استانا - بەيجىڭ رەيسى ىسكە قوسىلادى

استانا. قازاقپارات - Air Astana قازاقستاننىڭ باس قالاسىنان قىتاي استاناسىنا 18 -ناۋرىزدان باستاپ قايتا ۇشادى، دەپ حابارلايدى اۋەكومپانيانىڭ باسپا ءسوز قىزمەتى.

«18-ناۋرىزدان باستاپ اپتاسىنا ەكى رەت (سارسەنبى جانە سەنبى كۇندەرى) استانادان بەيجىڭگە ۇشا باستايدى. جاز مەزگىلىندە ۇشۋ جيىلىگى ۇزارادى. جولاۋشىلاردى A321LR ۇشاعى تاسىمالدايدى.

سونداي- اق 2-ناۋرىزدان باستاپ اۋەكومپانيا الماتىدان بەيجىڭگە ۇشاتىن رەيستەردى اپتاسىنا ءتورت رەتكە دەيىن ۇلعايتادى، ال جاز مەزگىلىندە كۇن سايىن ۇشۋدى جوسپارلاپ وتىر. الماتى مەن بەيجىڭ اراسىنداعى اۋە جەلىسىنە Airbus A321LR جانە Airbus A321neo الىس ايماقتارعا ۇشۋعا ارنالعان ۇشاقتار قاتىنايتىن بولادى»، دەلىنگەن حابارلامادا.

Air Astana دەرەكتەرى بويىنشا 2002 -جىلدان 2020 -جىلعا دەيىن وسى باعىت بويىنشا 1 ميلليوننان استام جولاۋشى تاسىمالدانعان.

Egemen.kz