ا ق ش اسپانىنداعى قىتايلىق اەروستات: بايدەننىڭ جاۋابى قانداي بولماق

استانا. قازاقپارات – ا ق ش پرەزيدەنتى دجو بايدەن ەلدىڭ اۋماعىندا، سونىڭ ىشىندە يادرولىق زىمىرانداردى باسقارۋ بازاسىنىڭ ۇستىندە قىتاي اۋە شارىنىڭ پايدا بولۋىنا قانداي ديپلوماتيالىق جاۋاپ بەرۋ كەرەكتىگىن شەشۋى كەرەك.

امەريكالىق تاراپتىڭ پايىمداۋىنشا، ول بارلاۋ ماقساتىندا ارنايى جىبەرىلگەن، دەپ حابارلايدى قازاقپارات Euronews-كە سىلتەمە جاساپ.

رەسپۋبليكاشىلدار بايدەندى اۋە شارىن اتىپ تۇسىرۋگە ەرتە بۇيرىق بەردى دەپ سىنعا الدى. ال، اق ءۇيدىڭ مالىمدەۋىنشە، بەيبىت تۇرعىندارعا قاۋىپ كەلمەۋى كوزدەلگەن.

«مەن سارسەنبى كۇنى ونى اتىپ تۇسىرۋگە بۇيرىق بەردىم. ماعان ونىڭ قاۋىپسىز جەرگە بارعانىن كۇتە تۇرۋ ۇسىنىلدى»، - دەدى بايدەن.

ال، «بۇل قىتايمەن قارىم-قاتىناسقا قالاي اسەر ەتەدى؟» دەگەن سۇراققا بايدەن جاۋاپ بەرمەدى.

رەسپۋبليكاشىلدار پرەزيدەنتتى قىتايعا قاتىستى جۇمساقتىعى ءۇشىن ايىپتاپ وتىر. ازىرگە وقيعانىڭ جالعىز سالدارى - مەملەكەتتىك حاتشى ەنتوني بلينكەننىڭ بەيجىڭگە رەسمي ساپارىنىڭ توقتاتىلۋى، وندا ول شي جينپيڭمەن كەزدەسۋى كەرەك ەدى.

ەسكە سالايىق، 4-اقپاندا ا ق ش وڭتۇستىك كارولينا جاعالاۋىندا اتلانت مۇحيتىنىڭ ۇستىنەن ۇشىپ بارا جاتقان قىتاي اەروستاتىن اتىپ تۇسىرگەن بولاتىن.

بۇعان دەيىن ا ق ش اسپانىندا جۇمباق شار پايدا بولىپ، ونى پەنتاگون «تىڭشىلىق جاساپ جۇرگەن قىتايدىڭ وبەكتىسى» دەپ مالىمدەگەن.

بەيجىڭ مۇنىڭ قاتە ەكەنىن ايتىپ، اسىعىس شەشىم قابىلداماۋعا شاقىردى. قىتاي ا ق ش-قا اتىپ تۇسىرىلگەن اەروستاتقا قاتىستى نارازىلىق ءبىلدىردى جانە بۇل جاي عانا اداسىپ كەتكەن مەتەوزوند ەكەنىن مالىمدەدى. ونىڭ قالدىقتارى اتلانت مۇحيتىنا تۇسكەن، ءارى قاراي زەرتتەۋ ءۇشىن شىعارىپ الۋ جۇمىستارى باستالدى.