07:35, 06 - اقپان 2023 | GMT +6
ەلىمىزدىڭ باسىم بولىگىندە تۇراقسىز اۋا رايى ساقتالادى - قازگيدرومەت
استانا. قازاقپارات - «قازگيدرومەت» ر م ك ق بۇگىن ەلىمىزدىڭ باسىم بولىگىندە تۇراقسىز اۋا رايى ساقتالاتىنىن مالىمدەدى، دەپ حابارلايدى قازاقپارات.
«سينوپتيكتەردىڭ قازاقستان ايماقتارىندا 6-اقپاندا بولاتىن قاۋىپتى مەتەورولوگيالىق قۇبىلىستارعا بولجامى مىناداي: رەسپۋبليكامىزدىڭ باسىم بولىگى ءالى دە، انتيسيكلون جانە ونىمەن بايلانىستى اتموسفەرالىق فرونتالدى بولىكتەردىڭ ىقپالىندا بولادى. سوندىقتان تۇراقسىز اۋا رايى ساقتالادى، ەلىمىزدىڭ سولتۇستىك جارتىسىندا قار جاۋىپ، جاياۋ بۇرقاسىن سوعۋى مۇمكىن. ال، وڭتۇستىكتە جاۋىن-شاشىن (جاڭبىر، قار تۇرىندە)، جەلدىڭ كۇشەيۋى، كوكتايعاق، تۇمان كۇتىلەدى»، - دەپ جازدى ۆەدومستۆودان.
