مينيسترلىك وقۋشىنى يتەرىپ جىبەرگەن مۇعالىمگە قاتىستى تۇسىنىك بەردى
«استانادا بولعان جاعداي بىزگە بەلگىلى. ءبىزدىڭ مينيسترلىك الەۋمەتتىك جەلىلەردەگى ءبىلىم بەرۋگە قاتىستى قوعام نازارىن اۋدارتقان ماسەلەلەردى شەشۋدە اشىق جۇمىس فورماتىن جالعاستىرادى. اتالعان فاكتى بويىنشا قالالىق ءبىلىم بەرۋ باسقارماسى ءتيىستى شارا قابىلدادى. مۇعالىمدەردىڭ مارتەبەسىن قورعاۋ ءبىزدىڭ باستى نازاردا، ول زاڭمەن قاراستىرىلعان. ارينە، بالالاردىڭ قۇقىعىن قورعاۋ دا زور ماڭىزعا يە. بىزدەگى بار اقپارات بويىنشا ءبىلىم باسقارماسى مۇعالىمگە قاتاڭ سوگىس جاريالادى»، - دەدى وقۋ-اعارتۋ ءمينيسترىنىڭ ءبىرىنشى ورىنباسارى شولپان كارينوۆا و ك ق- دە وتكەن بريفينگىدە ب ا ق وكىلدەرىنىڭ ساۋالىنا جاۋاپ بەرە وتىرىپ.
ونىڭ ايتۋىنشا، وسى سەكىلدى وقيعالار قايتالانباۋى ماقساتىندا ەلوردانىڭ ءبىلىم بەرۋ باسقارماسىمەن ءتيىستى جۇمىستار جۇرگىزىلدى.
ايتا كەتسەك، كۇنى كەشە قالالىق ءبىلىم باسقارماسى وقۋشىنى يتەرىپ جىبەرگەن استانالىق مۇعالىمنىڭ جۇمىستان قۋىلعانىن ءمالىم ەتكەن ەدى.
«اتالعان وقيعا بويىنشا 27№ مەكتەپ-ليتسەيى قىزمەتتىك تەكسەرۋ جۇرگىزدى. تەرگەۋ بارىسىندا 2-سىنىپ وقۋشىسىنا قاتىستى مۇعالىم تاراپىنان پەداگوگيكا ادەبىنە سايكەس كەلمەيتىن فاكتى راستالدى. ق ر ەڭبەك كودەكسىنىڭ 65-بابىنىڭ 1-تارماعىنا سايكەس دەنە شىنىقتىرۋ مۇعالىمىنە پەداگوگيكالىق ادەپ جونىندەگى كەڭەستىڭ ۇسىنىمى نەگىزىندە قاتاڭ سوگىس جاريالاندى.
سونىمەن قاتار، اتالعان مەكتەپتىڭ 2023-جىلعى 30- قاڭتارداعى «جۇمىستان بوساتۋ تۋرالى» 19№ بۇيرىعىنا سايكەس جانە ق ر ەڭبەك كودەكسىنىڭ 49-بابىنىڭ 5-تارماعىنا سايكەس مۇعالىم جۇمىستان شىعارىلدى»، - دەگەن حابار الدىق ءبىلىم باسقارماسىنان.
سونداي-اق، بولعان وقيعاعا قاتىستى قالالىق پوليتسيا دەپارتامەنتى تەرگەۋ جۇرگىزىپ جاتىر.
