مينيستر ب ا ق وكىلدەرىنە جاسالعان شابۋىلدار جايىندا: ءبىز ءاردايىم جۋرناليستەر جاعىندامىز
«قىركۇيەك ايىنان بەرى 6 رەت ارنايى مالىمدەمە جاسادىم. اقتوبەدەگى وقيعادان باستاپ جۋرناليستەردىڭ قۇقىعىن قورعاۋعا، ولارعا ءاردايىم قولداۋ كورسەتۋگە دايىن ەكەنىمىزدى ايتتىق. ول تۋرالى الەۋمەتتىك جەلىدە دە، جەكە ءوز اككاۋنتتارىمدا دا باياندادىم. سونىمەن قاتار، ول جۋرناليستەرمەن كەزەدستىم، سويلەستىم. مىسالى، سامال يبرايەۆامەن اڭگىمەلەستىك. سول سياقتى گۇلجان ەرعاليەۆامەن كەزدەسىپ، باسقالارعا دا قولداۋ كورسەتۋگە ءازىر ەكەنىمىزدى جەتكىزدىك. مەملەكەت باسشىسى ارنايى تاپسىرما بەردى. سول بويىنشا كەيبىر كۇدىكتىلەر ۇستالىپ جاتىر. سوندىقتان ءوز باقىلاۋىمىزدا ۇستاپ وتىرمىز. ءار ۋاقىتتا جۋرناليستەردىڭ جاعىندا جانە ولاردى قولداۋعا ءازىر ەكەنىمدى تاعى دا ايتقىم كەلەدى»، - دەدى ول.
مينيستر جۋرناليست دينارا ەگەۋبايەۆاعا جاسالعان شابۋىلدىڭ تاپسىرىس بەرۋشىلەرى تۋرالى دا پايىمىن ايتتى.
«ول بويىنشا قازىر تەرگەۋ ءجۇرىپ جاتىر. جاقىندا قورىتىندىسى ايتىلادى دەپ ويلايمىن. جالپى 5 ادامدى تاپتى. ءبىراق ولارعا تاپسىرىس بەرۋشى كىم؟ بۇل جونىندە مەملەكەت باسشىسى دا انىقتاپ ايتتى. تەك قانا ورىنداۋشىلار ەمەس، بۇلارعا تاپسىرىس بەرۋشىلەردى دە انىقتاۋ كەرەك. مۇنىمەن قۇقىق قورعاۋ ورگاندارى اينالىسادى. سوندىقتان جاقىندا جاۋابىن بىلەسىزدەر دەپ ويلايمىن»، - دەدى دارحان قىدىرالى.
ەسكە سالا كەتەيىك، الماتىدا جۋرناليست دينارا ەگەۋبايەۆانىڭ كولىگى ورتەنىپ، قالالىق پوليتسيا دەپارتامەنتى وسى وقيعا بويىنشا قىلمىستىق ءىس قوزعاعان ەدى.
جۋرناليست كولىگىنىڭ ورتەلۋىنە قاتىستى قىلمىستىق ءىستى ءى ءى م باقىلاۋىنا الدى.
