قازاقستاندىقتار قانداي موبيلدى قوسىمشانى ءجيى قولدانادى
تەحنولوگيالار مەن تسيفرلىق قىزمەتتەر دامىعان زاماندا سمارتفونسىز ءومىر ءسۇرۋ قيىن. سيفرلاندىرۋ حالىق ءومىرىنىڭ بارلىق سالاسىنا ەنگىزىلىپ جاتىر.
قازاقستاندىقتار اراسىندا «كوممۋنيكاتسيا» ساناتىنداعى موبيلدى قوسىمشالار ەرەكشە سۇرانىسقا يە.
ۇزدىك بەستىككە وتاندىق ۇيالى بايلانىس وپەراتورلارىنىڭ ەكى قوسىمشاسى كىردى.
2023 -جىلعى 27-قاڭتارداعى جاعداي بويىنشا قازاقستاندىقتار اراسىندا ەڭ تانىمال قوسىمشا - Telegram.
ەكىنشى ورىندا - «مەنىڭ Beeline» ۇيالى وپەراتورىنىڭ قوسىمشاسى.
Google Play ارقىلى قوسىمشانى 10 ميلليوننان اسا ادام جۇكتەگەن. وسىلايشا سوڭعى جىلدارى كورسەتكىش بىرنەشە ەسە وسكەن.
ۇزدىك ۇشتىكتى WhatsApp Business كاسىپكەرلەرگە ارنالعان ءموبيلدى قوسىمشاسى تۇيىندەيدى. ونى الەم بويىنشا 500 ميلليوننان استام قولدانۋشى تەلەفونىنا قوندىرعان.
سونداي-اق، توپ-5 تانىمال قوسىمشا قاتارىنا Tele2 قازاقستان جانە WhatsApp Messenger كىرىپ وتىر.
ال العاشقى وندىققا Snapchat, IZI, Mail.ru - Email App, Active جانە Altel.kz ەنگەن.
قازاقستاندا ۇيالى بايلانىس وپەراتورلارى قوسىمشالارىنىڭ تانىمالدىعى تاڭعالاتىن جاعداي ەمەس. سەبەبى جىلدان جىلعا ۇيالى بايلانىس ابونەنتتەرىنىڭ سانى ارتىپ كەلەدى.
ماسەلەن، 2022 -جىلدىڭ جەلتوقسان ايىنىڭ سوڭىنداعى جاعداي بويىنشا كورسەتكىش ءبىر جىلدا 3,1%، 17,4 ميلليون ابونەنتكە دەيىن ۇلعايدى.
سوڭعى بەس جىلدا ينتەرنەت جەلىسىنە قولجەتىمدىلىگى بار ابونەنتتەر سانى %25,6 عا ءوستى.
ودان بولەك، ۇيالى بايلانىس ابونەنتتەرىنىڭ تىعىزدىعى 100 ادامعا شاققاندا 77 دەن 89 بىرلىككە دەيىن ارتقان.
بۇگىنگى تاڭدا ەكونوميكانىڭ ءتۇرلى سەكتورلارىندا تسيفرلىق قىزمەتتەردى ەنگىزۋ وزەكتى بولىپ وتىر. ماسەلەن، 2021 -جىلدىڭ قورىتىندىسى بويىنشا كورسەتكىش %87,3 قۇرادى جانە ترەند ءوسىپ كەلەدى.
