اق ءۇي ا ق ش كومپانيالارىنا قىتايلىق «حۋا ۆەي» ونىمدەرىنە ليتسەنزيا بەرۋدى توقتاتتى
بۇل تۋرالى دۇيسەنبى كۇنى كەشكە بريتاندىق Financial Times گازەتى دەرەككوزدەرگە سىلتەمە جاساپ جازدى، دەپ حابارلايدى قازاقپارات تاسس-قا سىلتەمە جاساپ.
ولاردىڭ پىكىرىنشە، مۇنداي قادام ا ق ش بيلىگىن Huawei-گە امەريكالىق تەحنولوگيالاردى ساتۋعا تولىق تىيىم سالۋدى ەنگىزۋگە جاقىنداتادى. باسىلىم بايدەن اكىمشىلىگىنىڭ قىتايدىڭ تەحنولوگيالىق دامۋىن، ونىڭ ىشىندە جاساندى ينتەللەكت پەن گيپەر دىبىستىق قارۋ سالاسىنداعى دامۋىن باسەڭدەتۋگە باعىتتالعان وداقتاستارمەن بىرلەسكەن ءىستى كۇشەيتۋ ارەكەتتەرى اياسىندا وسىنداي شارا قابىلداعانىن اتاپ ءوتتى.
سوڭعى جىلدارى Huawei قىتاي كومپانياسىنا سانكسيا سالعان ا ق ش-تىڭ قاتتى قىسىمىنا ۇشىرادى. ا ق ش ساۋدا مينيسترلىگى ۇلتتىق قاۋىپسىزدىككە قاتەر تونگەندىكتەن، 2019 -جىلدىڭ 17-مامىرىنان باستاپ Huawei-دى قارا تىزىمگە ەنگىزىپ، كومپانيانىڭ امەريكا قۇراما شتاتتارىنان جوعارى تەحنولوگيالىق جابدىقتى ساتىپ الۋ مۇمكىندىگىن ايتارلىقتاي شەكتەدى.
ۆەدومستۆو كەيىننەن جەلىلەرگە قىزمەت كورسەتۋ جانە كومپانيانىڭ موبيلدى قۇرىلعىلارى ءۇشىن باعدارلامالىق جاساقتاما جاڭارتۋلارىن قامتاماسىز ەتۋ ليسەنزياسىن شىعاردى، سودان كەيىن ونى بىرنەشە رەت ۇزارتقان بولاتىن.
