ازەربايجان يرانداعى ەلشىلىك جۇمىسىن تولىق توقتاتتى
«ەلشىلىكتە اكىمشىلىك عيمارات پەن ديپلوماتيالىق قىزمەت مۇلىگىن كۇزەتۋ ءۇشىن 5 ادام عانا قالادى، ءبىراق ولار ديپلوماتيالىق قىزمەت اتقارمايدى»، - دەپ تولىقتىردى مينيستر ورىنباسارى.
ەسكە سالا كەتەيىك، 2023 -جىلدىڭ 27- قاڭتارىندا جەرگىلىكتى ۋاقىتپەن تاڭعى 8:30 شاماسىندا يران يسلام رەسپۋبليكاسىنداعى ازەربايجان ەلشىلىگىنە تەررورلىق شابۋىل جاسالدى.
شابۋىل جاساعان ادام كۇزەت ورنىنا اۆتوماتپەن وق جاۋدىردى، قاۋىپسىزدىك قىزمەتىنىڭ باسشىسى ءولتىرىلدى، ەلشىلىكتىڭ ەكى كۇزەتشىسى جارالاندى. قازىرگى ۋاقىتتا لاڭكەستىك ارەكەت تەرگەلىپ جاتىر.
بۇعان دەيىن سىرتقى ىستەر مينيسترلىگى يراندا قازا تاپقان ورحان اسكەروۆتىڭ ءمايىتىن ازەربايجانعا جەتكىزۋ ءۇشىن قاجەت شارالاردى قابىلدادى. وسى ماقساتتا ازەربايجان ۇشاق ءبولدى.
كەشە شامامەن 22:00-دە يرانداعى ازەربايجان ەلشىلىگىنەن ەۆاكۋتسيالانعان قىزمەتكەرلەر مىنگەن ۇشاق باكۋگە قوندى. سونداي- اق باكۋگە ەلشىلىككە جاسالعان شابۋىل سالدارىنان مەرت بولعان ورحان اسكەروۆتىڭ دەنەسى جەتكىزىلدى.
فوتو: Trend News Agency
اۆتور
بالنۇر قوجاگەلدى
