جۇزدەن استام اۋرۋحانا تەكسەرىلمەگەن ولشەۋ قۇرالدارىن پايدالانىپ كەلگەن
تەحنيكالىق رەتتەۋ جانە مەترولوگيا كوميتەتىنىڭ كەڭەيتىلگەن القا ماجىلىسىندە ۆەدومستۆو باسشىسى قۋانىش ەلىكبايەۆ وسىنداي دەرەك ايتتى، دەپ حابارلايدى قازاقپارات ءتىلشىسى.
كوميتەت ءتوراعاسىنىڭ ايتۋىنشا، مەملەكەتتىك مەترولوگيا تالاپتارىنىڭ ساقتالۋىن قامتاماسىز ەتۋ باعىتىندا «قازاقستان تەمىر جولى» ر م ك- نىڭ فيليالدارىندا، جانار-جاعارماي ستانسالارىندا، زاۋىتتار مەن زەرتحانالاردا، مەديتسينالىق جانە ءبىلىم بەرۋ كاسىپورىندارىندا تەكسەرۋلەر جۇرگىزىلگەن.
«تەكسەرىلگەن 374 كاسىپورىننىڭ 244 ىندە زاڭ بۇزۋ فاكتىسى انىقتالدى. بۇل %65,2 دەگەن ءسوز. مىسالى، جۇزدەن استام اۋرۋحانادا تەكسەرىلمەگەن ولشەۋىش قۇرالدار قولدانىلىپ كەلگەن. ونىڭ ىشىندە ومىرگە ماڭىزدى كورسەتكىشتەردى ولشەۋگە ارنالعان قۇرالدار دا بار»، - دەدى كوميتەت ءتوراعاسى.
ونىڭ سوزىنە قاراعاندا، جالپى جيىنى 721163 ولشەۋىش قۇرال تەكسەرىلگەن. ونىڭ ىشىندە 5696 قۇرىلعىدان زاڭسىزدىق انىقتالعان.
