سابيلەردىڭ ەڭ قىرسىق سۇراقتارى انىقتالدى

None
استانا. قازاقپارات - زەرتتەۋشىلەر بۇلدىرشىندەردىڭ اتا-انالارىنا ءجيى قوياتىن قياڭقى سۇراقتارىنىڭ رەيتينگىن جاريا ەتتى. ەرەسەكتەردى تىعىرىققا تىرەيتىن ەڭ قيىن سۇراق اي تۋرالى بولىپ شىقتى.

الەۋمەتتىك ساۋالناماعا 5-16 جاس ارالىعىنداعى بالالارى بار 2000 اتا-انا قاتىسقان. زەرتتەۋدىڭ ناتيجەسىندە ادامنىڭ باسىن قاتىراتىن ەڭ قىرسىق سۇراقتاردىڭ وندىعى جاسالدى. ول تومەندەگىدەي:

1. اي نەگە كۇندىز كورىنەدى؟

2. اسپان نەگە كوك ءتۇستى؟

3. ءبىز ءبىر كۇنى بوگدەعالامشارلىقتاردى كەزدەستىرەمىز بە؟

4. جەردىڭ سالماعى قانداي؟

5. ۇشاقتار اسپاندا قالاي تۇرادى؟

6. سۋ نەگە سۇيىق؟

7. باعاندارعا قالاي بولۋگە بولادى (الدەنەنى)؟

8. قىستا قۇستار مەن جاندىكتەر قاي جەردە بولادى؟

9. كەمپىرقوساق قالاي جاسالادى؟

10. نەگە ءار جاقتا ۋاقىت ءارتۇرلى؟

اتا-انالاردىڭ كوپشىلىگى مۇنداي سۇراقتارعا جاۋاپتى ويدان قۇراي سالادى ەكەن. زەرتتەۋگە قاتىسقانداردىڭ ۇشتەن ءبىرىنىڭ دۇرىس جاۋاپ بەرۋگە تىرىساتىنى بەلگىلى بولدى. ال اتا-انالاردىڭ % 26-ى تىم ءبىلىمپاز بالالارىنان قىسىلاتىنىن مويىنداعان.

سوڭعى جاڭالىقتار