14:56, 23 - قاڭتار 2023 | GMT +6
قاسىم-جومارت توقايەۆ ۋنيۆەرسيادادا تابىستى ونەر كورسەتكەن ستۋدەنتتەر قۇراماسىن قۇتتىقتادى
استانا. قازاقپارات - قاسىم-جومارت توقايەۆ XXXI دۇنيەجۇزىلىك قىسقى ۋنيۆەرسيادادا تابىستى ونەر كورسەتكەن قازاقستاننىڭ ستۋدەنتتەر قۇراماسىن قۇتتىقتادى، دەپ حابارلايدى اقوردانىڭ باسپا ءسوز قىزمەتى.
- سىزدەردىڭ جارقىن جەڭىستەرىڭىز كۇللى جانكۇيەر قاۋىمعا زور قۋانىش سىيلادى. دۇنيەجۇزىلىك قىسقى ۋنيۆەرسيادادا سىزدەر شەبەرلىك پەن جەڭىسكە دەگەن ەرىك-جىگەردىڭ بىرەگەي ۇلگىسىن كورسەتتىڭىزدەر. بايراقتى باسەكەدە جاستارىمىز ەل سەنىمىن اقتاپ، التىن، كۇمىس جانە قولا مەدالدارعا يە بولدى. سپورتشىلارىمىزدىڭ مۇنداي جوعارى ناتيجەگە قول جەتكىزۋىنە جاتتىقتىرۋشىلارىمىز ەلەۋلى ۇلەس قوستى. ەلىمىزدە بۇقارالىق جانە بالالار سپورتىن دامىتۋعا بارلىق جاعداي جاسالىپ جاتىر. قۇراما كوماندامىزدىڭ ۋنيۆەرسيادا ويىندارىنداعى تاماشا ونەرى مىڭداعان جاستى جىگەرلەندىرىپ، جەڭىستەرگە باستايتىنى انىق، - دەپ جازىلعان قۇتتىقتاۋ حاتتا.
پرەزيدەنت قازاقستاننىڭ ستۋدەنتتەر قۇراما كومانداسىنىڭ بيىك بەلەستەردى باعىندىرا بەرۋىنە تىلەكتەستىك ءبىلدىردى.
