ديماش قىتاي تەلەارناسىنا سۇحبات بەردى
«ق ح ر ءتوراعاسى شي جينپيڭمەن كەزدەسكەندە ءبىز مەنىڭ مۋزىكام تۋرالى سويلەستىك. ول داۋسىما جانە اندەرىمە جوعارى باعاسىن بەردى. بۇل - مەن ءۇشىن جوعارى مارتەبە. قازاقستان مەن قىتاي حالقى ءبىر-ءبىرىنىڭ مادەنيەتىن قۇرمەتتەيدى. قوس ەل سىيلاستىقپەن بىرلەسە دامي الادى»، - دەپ وي بولىسەدى ءانشى سۇحبات بارىسىندا.
اڭگىمە ديماش قۇدايبەرگەننىڭ قىتايدىڭ تانىمال ارتىستەرىمەن قاتار وسى ەلدەگى جاڭا جىل مەرەكەسىنە ارنالعان فەستيۆالدە ونەر كورسەتكەنى تۋرالى ءوربيدى. وعان قازاقستاندىق ءانشى ۇلى جىبەك جولى بويىنداعى ەلدىڭ وكىلى رەتىندە قاتىسقان.
«مەن كوكتەمگى فەستيۆالدىڭ گالا-قويىلىمىنا العاش قاتىسقانىمدا 23 جاستا ەدىم، قازىر 29 عا كەلىپ قالدىم. سول كەزدەگى فەستيۆال ءالى ەسىمدە. ءبىز بىرنەشە اپتا دايىندالدىق. CCTV ماماندارىنىڭ كاسىبيلىگىن جانە ءتۇسىرۋ توبىنىڭ گالا-قويىلىم كورەرمەندەرى الدىنداعى جاۋاپكەرشىلىگىن كوردىم»، - دەيدى ديماش.
بۇعان دەيىن حابارلاعانىمىزداي، ديماش قۇدايبەرگەن قىتايدىڭ CCTV ورتالىق تەلەارناسىندا وتكەن «Spring gala festival 2023» ەفيرىنە قاتىستى.
فوتو: instagram.com/kudaibergenov.dimash
