بوكستان ازيا چەمپيوناتىندا تاعى ءبىر قازاقستاندىق جارتىلاي فينالعا شىقتى

None
استانا. قازاقپارات - تايلاند استاناسى بانگكوكتا 22 جاسقا دەيىنگىلەر اراسىندا بوكستان ءوتىپ جاتقان ازيا چەمپيوناتىندا تاعى ءبىر قازاقستاندىق سپورتشى جارتىلاي فينالعا شىقتى، دەپ حابارلايدى قازاقپارات ءتىلشىسى.

نۇرسۇلتان التىنبەك 54 كەلىگە دەيىنگى سالماقتا باستاپقى كەزدەسۋىن ءساتتى وتكىزدى.

قازاقستاندىق بوكسشى مالايزيالىق احمەد شاحار مۋحاممەد يمدادتى ءۇشىنشى راۋندتا نوكداۋنعا جىبەرىپ، ايقىن باسىمدىلىقپەن ءوتتى.

ءسويتىپ ول جارتىلاي فينالعا جولداما الدى. بۇل - كەمىندە قولا جۇلدە قالتادا دەگەن ءسوز.

بۇگىن سانجار تاشكەنباي دا جارتىلاي فينالعا شىققان ەدى. ال دانيال ءسابيت 51 كەلىگە دەيىنگى سالماقتا شارشى الاڭنىڭ يەسى ساەنگفەت تاناراتقا جول بەردى.

ەسكە سالا كەتەيىك، بۇدان بۇرىن قازاقستاندىق بوكسشىنىڭ جاستار اراسىندا ازيا چەمپيوناتىنىڭ جارتىلاي فينالىنا شىققانىن جازعان بولاتىنبىز.

سوڭعى جاڭالىقتار