كاسىپكەر مۋحورياپوۆقا قاتىستى ءىس توقتاتىلدى
الماتى پوليتسيا دەپارتامەنتى مالىمەتىنشە، راميل مۋحورياپوۆتىڭ ءىسى بويىنشا الەۋمەتتىك، ۇلتتىق، رۋلىق، ناسىلدىك، تاپتىق جانە ءدىني الاۋىزدىقتى قوزدىرعانى تۋرالى دەرەكتى تەكسەرۋ ءۇشىن سوتالدى تەرگەۋ جۇرگىزىلگەن.
«سوتالدى تەرگەۋ ناتيجەلەرى بويىنشا قىلمىستىق قۋدالاۋ ورگانى قىلمىستىق قۇقىقبۇزۋشىلىق قۇرامى بولماۋىنا بايلانىستى قىلمىستىق ءىستى توقتاتۋ تۋرالى شەشىم شىعاردى. بۇل شەشىم ق ر قىلمىستىق ءىس جۇرگىزۋ كودەكسىنىڭ 2-تارماعى 35-بابى 1-بولىگى بويىنشا قابىلداندى. الماتى پروكۋراتۋراسى قابىلدانعان ءىس جۇرگىزۋ شەشىمىمەن كەلىستى»، - دەدى الماتى پروكۋرورىنىڭ ورىنباسارى نۇرلان اۋعانبايەۆ.
ەسكە سالايىق، بۇعان دەيىن كاسىپكەردىڭ قازاق تىلىنە قاتىستى ايتقان مالىمدەمەسى جەلىدە داۋ تۋعىزعان بولاتىن. قازنەتتە كاسىپكەر راميل مۋحورياپوۆ جيىنداردىڭ بىرىندە شەتەلدەن كەلىپ جاتقان رەسەيلىكتەرگە ولاردى تۇسىنە تۇرا، قازاق تىلىندە جاۋاپ بەرۋ «ءبىرتۇرلى ءارى ۇلتشىلدىقتىڭ بەلگىسى» ەكەنىن ايتقان ۆيدەو تاراعان ەدى. قازاقستاندىقتار كاسىپكەردىڭ بۇل مالىمدەمەسىنە نارازى بولدى.
