رۋسلان جەلدىباي پرەزيدەنتتىڭ شەتەلگە بيىلعى العاشقى ساپارى قالاي وتكەنىن ايتتى
بۇل تۋرالى پرەزيدەنت اكىمشىلىگى باسشىسىنىڭ ورىنباسارى - پرەزيدەنتتىڭ باسپا ءسوز حاتشىسى رۋسلان جەلدىباي Facebook-تە جازدى.
ونىڭ جازۋىنشا، ق ر پرەزيدەنتىنىڭ بىرىككەن اراب امىرلىكتەرىنە رەسمي ساپارى - شەتەلگە بيىلعى العاشقى ساپارى. جۇمىس كەستەسى ماڭىزدى ءىس-شارالارعا تولى بولدى. نەگىزگى ماقسات - تاۋار اينالىمىن ارتتىرۋ، ينۆەستيتسيا تارتۋ، ەكونوميكالىق جانە كولىك- لوگيستيكا بايلانىستارىن نىعايتۋ.
بۇعان دەيىن ءمالىم ەتىلگەندەي، مەملەكەت باسشىسى «ابۋ دابي تۇراقتى دامۋ اپتالىعى» ءسامميتىنىڭ اشىلۋ سالتاناتىندا ءسوز سويلەپ، ينۆەستورلاردى قازاقستاندا «جاسىل» جوبالاردى بىرگە جۇزەگە اسىرۋعا شاقىردى.
سونداي-اق ق. توقايەۆ بىرىككەن اراب امىرلىكتەرىنىڭ پرەزيدەنتى شەيح مۇحاممەد بەن زايد ءال ناحايانمەن كەلىسسوز جۇرگىزدى.
«قازاقستان مەن ب ا ءا اراسىندا بەرىك سەنىم ورناعان. كەزدەسۋدە 9 كەلىسىمگە قول قويىلدى. امىرلىكتەر ەلىمىزگە 3 ميلليارد دوللار ينۆەستيتسيا قۇيدى. 2022 -جىلى تاۋار اينالىمى 600 ميلليون دوللارعا جەتتى. الايدا مەملەكەت باسشىسى بۇل كورسەتكىشتى 1 ميلليارد دوللارعا جەتكىزۋ قاجەت دەدى.
پرەزيدەنت سونداي-اق امىرلىكتەردەگى ءبىرقاتار ءىرى كاسىپكەردى قابىلدادى. ولاردىڭ اراسىندا First Abu Dhabi Bank, Abu Dhabi Ports Group جانە Masdar كومپانيالارىنىڭ جەتەكشىلەرى بار.
كومپانيالار ەلىمىزدە ءتۇرلى سالادا بىرلەسكەن جوبالاردى ىسكە اسىرۋعا قاراجات قۇيۋعا دايىن. مىسالى، Masdar كومپانياسى تۇركىستان جانە جامبىل وبلىستارىندا قۋاتتىلىعى 1 گ ۆ ت جەل ەلەكتر ستانتسياسىن سالادى. ال Abu Dhabi Ports Group كاسپي تەڭىزى مەن ونىڭ ماڭايىندا كولىك- لوگيستيكا جوبالارىن ىسكە اسىرادى.
بۇدان باسقا دا كەلىسىمدەر از ەمەس. ب ا ءا ەلىمىزدەن 336 ميلليون دوللارعا تاۋاردىڭ 100 ءتۇرىن ساتىپ الۋعا دايىن. قازاقستان مەن امىرلىكتەر اراسىندا اۋىل شارۋاشىلىعى سالاسىندا دا ورتاق جوبالار جەتكىلىكتى. Phoenix Global كومپانياسى الماتى وبلىسىندا ەكسترۋدتالعان قوسپا جەم وندىرەتىن زاۋىتتىڭ (قۇنى 23 ميلليون دوللار) قۇرىلىسىن اياقتاپ جاتىر. سونىمەن بىرگە 1000 گەكتار جەرگە جەمىس باعىن وسىرەدى (قۇنى 76 ميلليون دوللار)»، - دەپ جازدى مەملەكەت باسشىسىنىڭ باسپا ءسوز حاتشىسى.
بۇدان بولەك، ەنكى ەل ىنتىماقتاستىعى اياسىندا قازاقستاندا قانت زاۋىتى مەن جەل ەلەكتر ستانتسياسىن سالۋ، «جاسىل» ەنەرگەتيكا بويىنشا كاسىپورىن قۇرۋ، جالپى قۇنى 5 ميلليون دوللارعا جۋىق ينۆەستيتسيالىق پلاتفورمانى ىسكە اسىرۋ دا جوسپارلانىپ وتىر.
«پرەزيدەنت اتالعان جوبالار قازاقستان ەكونوميكاسىنىڭ دامۋىنا وڭ اسەرىن تيگىزەتىنىن جەتكىزدى. سونداي-اق بارلىق ءىرى بىرلەسكەن جوبالار مەن باستامالاردى جەكە ءوزى باقىلاۋعا الاتىنىن مالىمدەدى.
شەتەلدىك ينۆەستورلاردى قازاقستانعا شاقىرىپ، ەكونوميكامىزدىڭ الەۋەتىن ارتتىرۋ - پرەزيدەنتتىڭ شەتەلدىك ساپارلارىنىڭ باسىم باعىتى.
مەملەكەت باسشىسى كورسەتكەن قوناقجايلىلىعى جانە مازمۇندى كەلىسسوز جۇرگىزگەنى ءۇشىن ب ا ءا پرەزيدەنتى شەيح مۇحاممەد بەن زايد ءال ناحايانعا العىس ايتتى»، - دەلىنگەن رۋسلان جەلدىبايدىڭ جازباسىندا.
