قازاقستان قورجىنىنا ۋنيۆەرسيادانىڭ ەكىنشى «التىنى» ءتۇستى

استانا. قازاقپارات - قازاقستاندىق شاڭعىشى دانيل ۆاسيلەۆ ا ق ش-تىڭ لەيك-پلەسيد قالاسىندا ءوتىپ جاتقان ۋنيۆەرسيادادا التىن مەدال جەڭىپ الدى، دەپ حابارلايدى قازاقپارات Sports.kz-كە سىلتەمە جاساپ.

ۆاسيلەۆ قالىپتى شاڭعىمەن سەكىرۋ جارىسىندا جەڭىسكە جەتتى. ءبىرىنشى تالپىنىستا ول 127,2 ۇپايمەن ءبىرىنشى ورىن السا، سوڭعى اينالىمدا ەكىنشى (130,1) بولىپ مارەگە جەتتى.

ەكى ءتاسىلدىڭ قوسىندىسىندا قازاقستاندىق اۆستريالىق ماكسيميلليان لينحەردى (251,4) جانە تيمون پاسكال كاحوفەردى (248,8) باسىپ وزىپ، 257,3 ۇزدىك ناتيجە كورسەتتى.

باسقا قازاقستاندىق سپورتشىلار كەلەسىدەي ناتيجە كورسەتتى: سەرگەي تكاچەنكو - جەتىنشى (220,9)، نيكيتا ديەۆياتكين - توعىزىنشى (216,2)، سۆياتوسلاۆ نازارەنكو - 20 (147,3)، ماعجان امانگەلدى ۇلى - 21 (144,5). ۆاسيلەۆتىڭ مەدالى قازاقستان ءۇشىن بيىلعى ۋنيۆەرسياداداعى ەكىنشى مەدال بولدى.

بۇعان دەيىن ءبىرىنشى «التىندى» بياتلونشى ۆاديم كۋرالەس جەڭىپ العان بولاتىن.