شىعىس قازاقستاندا اسا ءىرى ەسىرتكى ارناسىنىڭ جولى كەسىلدى

None
وسكەمەن. قازاقپارات - شىعىس قازاقستان وبلىسىنىڭ پوليتسەيلەرى ءىرى ەسىرتكى ارناسىنىڭ جولىن كەستى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى ءوڭىر اۋماعىنا ماريحۋانا جەتكىزۋمەن اينالىسقان ەر ادامدى ۇستاپ، ءىرى ەسىرتكى ارناسىنىڭ جولىن كەستى.

«جەدەل-ىزدەستىرۋ شارالارىن جۇرگىزۋ بارىسىندا وسكەمەندە كوپقاباتتى ۇيلەردىڭ ءبىرىنىڭ اۋلاسىندا ەسىرتكى زاتتارىن ساتۋ ءۇشىن ساقتاعان 39 جاستاعى ازامات ۇستالدى. ول مەملەكەتارالىق ىزدەۋدە جۇرگەن بولىپ شىقتى. تۇرعىلىقتى جەرىنە ءتىنتۋ جۇرگىزۋ كەزىندە پوليتسەيلەر وتكىر ءيىسى بار قوڭىر-جاسىل ءتۇستى وسىمدىك تەكتەس زات سالىنعان 790 پوليەتيلەن ورامانى تاپقان»، - دەلىنگەن اقپاراتتا.

ساراپتاما قورىتىندىسىنا سايكەس، تاركىلەنگەن زات جالپى سالماعى 28 كەلىدەن اساتىن كەپتىرىلگەن ماريحۋانا بولىپ شىقتى.

قازىرگى ۋاقىتتا ەر ادام ۋاقىتشا ۇستاۋ يزولياتورىنا قاماۋعا الىنعان.

اتالعان فاكتى بويىنشا ق ر ق ك-نىڭ 297-بابى 3-بولىگىمەن سوتقا دەيىنگى تەرگەۋ امالدارى جۇرگىزىلۋدە.

ەسىرتكى ساۋداسىمەن اينالىسقان ادام 10 نان 15 جىلعا دەيىنگى مەرزىمگە باس بوستاندىعىنان ايىرىلۋى مۇمكىن.

سوڭعى جاڭالىقتار