ەجەلگى قىتاي كەستەسىمەن بالا جىنىسىن جوسپارلاۋعا بولا ما؟

None
استانا. قازاقپارات - الەۋمەتتىك جەلىلەردە اتا-انا ۇل نەمەسە قىز تۋۋدى جوسپارلاي الاتىنى تۋرالى حابارلاندىرۋدىڭ سۋرەتى تارادى.

وندا ەجەلگى قىتاي كەستەسىمەن بالا جىنىسىن انىقتاۋعا بولاتىنى ايتىلادى، - دەپ حابارلايدى Stopfake.kz.

كەستەدەگى كولدەنەڭ باعاندا ايەلدىڭ جاسى 18 دەن 45 جاسقا دەيىن كورسەتىلەدى، ال تىگىنەن 12 اي جازىلعان. قالعان ۇياشىقتاردا ايەلدىڭ جاسىنا جانە جۇكتى بولۋ ايىنا بايلانىستى بالانىڭ جىنىسى (ە نەمەسە ءا) كورسەتىلگەن.

سونىمەن قاتار، حابارلاندىرۋدا كەستە تەكسەرىلگەنى جانە ناقتى شىعاراتىنى ايتىلعان. ول ەجەلگى قىتاي عالىمدارى زەرتتەۋلەرىنىڭ نەگىزىندە جاسالعان ەكەن. الايدا بۇل كەستەگە سەنۋدىڭ قاجەتى جوق. باسقا حالىقتىق ادىستەر سياقتى بۇل دا بولاشاق بالانىڭ جىنىسىن ناقتى جوسپارلاي المايدى. مىسالى، جاستىق استىنا ويىنشىق كولىك نەمەسە اينا سالۋ، بەلگىلى ءبىر تاعامداردى تۇتىنۋ، ۇل نەمەسە قىز تۋۋ ءۇشىن اي كەزەڭدەرىن باقىلاۋ سەكىلدى بۇل دا بالا جىنىسىن انىقتاي المايدى.

سونداي-اق، بۇل كەستەنىڭ دۇرىس ەكەنىنە ناقتى عىلىمي دالەلدەر جوق. فەيكتە ايتىلعان ەجەلگى قىتاي عالىمدارىنىڭ زەرتتەۋلەرى دە بەلگىسىز.

ينتەرنەتتە ءتۇرلى دەرەككوزدە بۇل كەستەنىڭ بىرنەشە نۇسقاسى بار. ولاردىڭ ءارقايسىندا بۇل ەجەلگى قىتاي كەستەسى ەكەنى، ول ءدال ايتاتىنى جازىلعان. وسىنداي ءۇش كەستەنى دە سالىستىرۋ ارقىلى ورىس ءتىلدى جانە اعىلشىن ءتىلدى دەرەككوزدەن الىنعان كەستە ەكەنى انىقتالعان. ۇشەۋىندە دە 18 دەن 45 جاسقا دەيىنگى 28 جولدىڭ ىشىندە ۇشەۋى عانا بىردەي بولىپ شىققان – 18، 21 جانە 22. باسقا ۇياشىقتاردا ءارتۇرلى ماندەر جازىلعان. دەمەك، بۇل ساندارعا سەنبەۋ كەرەك.

ياعني، ەجەلگى قىتاي كەستەسى دۇرىس ەمەس. بۇل - بالانىڭ جىنىسىن جوسپارلاۋدىڭ تاعى ءبىر پسيەۆدوعىلىمي، حالىقتىق ءادىسى، ول ەشقانداي كەپىلدىك بەرمەيدى.

سوڭعى جاڭالىقتار