قىتايداعى قانداسىمىز تۇيە شارۋاشىلىعىن دامىتۋدا - شەتەلدەگى قازاق باسپا ءسوزى

قازاقستاننىڭ ەكى قالاسىنان انكاراعا تىكەلەي رەيستەر اشىلادى - TRT

اقتاۋ جانە شىمكەنت قالالارىنان انكاراعا رەيستەر اشىلادى دەپ جوسپارلاندى. ەندى قازاقستان وسى جاڭا حالىقارالىق رەيستەردى باستايدى.

بۇل تۋرالى وسى اپتادا تۇركيا راديو تەليەۆيزيا پورتالى حابارلادى.

تۇركيالىق ب ا ق-تىڭ مالىمەتىنشە، 2023 -جىلدىڭ كوكتەمگى- جازعى ۇشۋ كەزەڭىندە اقتاۋ جانە شىمكەنت قالالارىنان انكاراعا رەيستەر اشىلادى دەپ جوسپارلاندى. ءسويتىپ، قازاقستان «اشىق اسپان» رەجيمىن 5 جىلعا دەيىن سوزدى.

قازاقستاننىڭ ازاماتتىق اۆياتسيا كوميتەتى رەيستەردىڭ پاندەمياعا دەيىنگى دەڭگەيگە جەتكەنىن، سونداي-اق كوميتەت 2023 -جىلى جاڭا حالىقارالىق رەيستەر اشىلاتىنىن مالىمدەگەن.

«جاڭا باعىتتار اياسىندا استانا، الماتى، اقتاۋ، تۇركىستان جانە اتىراۋدان ستامبۋلعا، استانا مەن الماتىدان انتالياعا رەيستەردى ارتتىرۋ جوسپارلانۋدا»، دەپ جازادى تۇركيا راديو تەليەۆيزيا پورتالى.

الماتى- ءۇرىمجى شىڭجاڭداعى ءبىرىنشى حالىقارالىق رەيسى ەلگە ءساتتى كەلدى - «حالىق» گازەتى

10-قاڭتاردا ساعات 19:16-دا China Southern Airlines اۆياكومپانياسىنىڭ CZ6012 رەيسى الماتىدان ءۇرىمجى حالىقارالىق اۋەجايىنا كەلىپ قوندى. بۇل شىڭجاڭعا ەپيدەميانىڭ الدىن الۋ جانە تىزگىندەۋ شارالارى وڭتايلاندىرىلعاننان كەيىنگى كەلگەن العاشقى حالىقارالىق رەيس، دەپ حابارلايدى قىتايدىڭ «حالىق» گازەتى.

اتالعان باسىلىمنىڭ مالىمەتتەرىنشە، قاڭتار ايىندا China Southern Airlines ءۇرىمجى- بىشكەككە ەكى حالىقارالىق رەيستى، ءۇرىمجى- الماتىعا ەكى رەيستى، ءۇرىمجى- تاشكەنتكە ءبىر رەيستى جانە ءۇرىمجى- دۋشانبەگە ءبىر رەيستى ورىنداۋدى جوسپارلاپ وتىر. سونىمەن بىرگە ءۇرىمجى- تبيليسي بارۋ- قايتۋ باعىتى قايتا ىسكە قوسىلادى.

سونداي-اق، «حالىق» گازەتى اقپاراتتىق پورتالىندا «2022 -جىلى «الاشانكوۋدان» ورالعان قىتاي- ەۋروپا پويىزدارىنىڭ سانى ەل كەدەن بەكەتتەرى اراسىندا ءبىرىنشى ورىندى يەلەندى» دەگەن تاقىرىپتاعى اقپارات جارىق كوردى.

قىتايلىق ب ا ق-تىڭ دەرەگىنشە، 2022 -جىلى قازاقستانعا كىرىپ- شىعاتىن «الاشانكوۋ» كەدەن بەكەتى ارقىلى 6211 قىتاي- ەۋروپا پويىزى ءوتتى. بۇل وتكەن جىلدىڭ سايكەس كەزەڭىمەن سالىستىرعاندا %6,2 عا ارتقان. ونىڭ ىشىندە ەلگە قايتقان قىتاي- ەۋروپا پويىزىنىڭ سانى 2462-گە جەتىپ، ەلدەگى تەمىرجول پورتتارى اراسىندا ءبىرىنشى ورىنعا شىققان.

ەجەلگى الەمنىڭ جەتى كەرەمەتىنىڭ ەكەۋى تۇركيادا ورنالاسقانىن بىلەسىز بە؟ - TRT

جەتى سانى ەجەلگى داۋىردە بەلگىلى بەس پلانەتانىڭ، كۇن مەن ايدىڭ قوسىندىسى بولعاندىقتان، گرەكتەر ءۇشىن قۇنارلىلىق پەن كەمەلدىلىكتى بىلدىرگەن. سوندىقتان جەتى سانى ءارقاشان قولدانىلعان. سولاردىڭ ءبىرى الەمنىڭ 7 كەرەمەتىنىڭ ءتىزىمى كلاسسيكالىق ەجەلگى دۇنيەنىڭ العاشقى جانە ەڭ تاماشا ۇلگىسى. ەجەلگى داۋىرلەردەن بۇگىنگە دەيىن جەرورتا تەڭىزى توڭىرەگىندەگى الەمنىڭ ەڭ كەرەمەت تابيعي جانە قولدان جاسالعان سۇلۋلىقتارى جيناقتالىپ قالىپتاستىرىلعان تىزىمدەگى جەتى كەرەمەتتىڭ ەكەۋى - انادولى جەرىندە.

بۇل تۋرالى وسى اپتادا تۇركيا راديو تەلەۆيزيا پورتالى حابارلاعان بولاتىن.

اتالعان ب ا ق-تىڭ دەرەگىنشە، الەمنىڭ جەتى كەرەمەتى تىزىمىندە تۇرعان تۇركياداعى ەكى جەردىڭ ءبىرى - ارتەميدا حرامى. ءيزميردىڭ سەلچۋك اۋدانىنداعى ەفەس ەجەلگى قالاسىنا شامامەن 4 كم قاشىقتىقتاعى حرام ءبىزدىڭ داۋىرىمىزدەن بۇرىنعى 550 -جىلدارى سالىنعان دەپ بولجالادى. تولىعىمەن مارماردەن سالىنعان جانە قۇرىلىمى شامامەن 120 جىل جالعاسقان ارتەميدا حرامىنان بىزگە تەك بىرنەشە ءمارمار باعانا كەلىپ جەتكەن.

تۇركياداعى ەكىنشى الەم كەرەمەتى بولسا گاليكارناستاعى ماۆزولەي. بۇگىنگى كۇنگى تاڭداۋلى دەمالىس ورتالىعى بودرۋمنىڭ تەرريتورياسىندا ورنالاسقان ماۆزولەي ءبىزدىڭ ءداۋىرىمىزدىڭ 350 -جىلى سالىنعان. كاريا پاتشاسى ماۆزولوس ءۇشىن ايەلى جانە قارىنداسى تاراپىنان سالعىزىلعان كەرەمەت عيمارات جەر سىلكىنىسىندە قيراعان كورىنەدى.

«QazVac» ۆاكتسيناسىن زەرتتەۋ ءۇشىن د د س ۇ وكىلدەرى قازاقستانعا كەلەدى - «ءوز ا»

2023 -جىل ءساۋىر ايىندا دۇنيەجۇزىلىك دەنساۋلىق ساقتاۋ ۇيىمىنىڭ ارنايى ميسسياسى قازاقستانعا كەلىپ، «QazVac»-تى تىركەۋمەن بايلانىستى تەكسەرۋلەر جۇرگىزەدى. بۇل تۋرالى وسى اپتادا وزبەكستاندىق «ءوز ا» اقپاراتتىق اگەنتتىگى «قازاقپارات» ح ا ا-نە سىلەمە جاساپ حابارلاعان.

ايتا كەتەيىك، بۇل تۋرالى ەلىمىزدىڭ دەنساۋلىق ساقتاۋ ءمينيسترى اجار عينيات ۆەدومستۆونىڭ قورىتىندى القا ماجىلىسىنەن كەيىن مالىمدەگەن بولاتىن.

ەسكە سالا كەتەيىك، «قازاقستاندىق ۆاكتسينانى دۇنيەجۇزىلىك دەنساۋلىق ۇيىمىندا تىركەۋ جۇمىستارى قازىر جالعاسىپ جاتىر. بىلتىر وسى د د س ۇ وكىلدەرى، ماماندارى مەن ساراپشىلارى ونلاين رەجيمدە ءار ءتۇرلى قۇجاتتارىمىزدى سۇراپ، تەكسەرگەن بولاتىن. ەندى بيىلدىڭ وزىندە سول ۇيىمنان ارنايى ميسسيا كەلىپ، ءبىزدىڭ ۆاكتسينانىڭ قالاي شىعارىلىپ جاتقانىن، زاۋىتىمىزدىڭ حالىقارالىق ستاندارتتارعا سايكەستىگىن، دۇنيەجۇزىنىڭ حالقىنا قولدانۋعا جارامدىلىعىن تەكسەرەدى»، - دەگەن ەدى اجار عينيات.

قانداسىمىز اتا كاسىبى تۇيە شارۋشىلىعىن دامىتۋدا - People.cn

شىڭجاڭنىڭ بۋرىلتوعاي اۋدانى تۇيە ونەركاسىبىنىڭ قارقىندى دامۋىن قولداپ، باقتاشىلار كىرىسىن ارتتىردى، دەپ حابارلايدى قىتايدىڭ «People.cn» اقپاراتتىق پورتالى.

اتالعان باسىلىمنىڭ مالىمەتىنشە، شىڭجاڭنىڭ التاي ايماعى بۋرىلتوعاي اۋدانىندا تۇراتىن ناردوس باقىتبەك ۇلى جەكە شارۋا اۋلاسىندا تۇيەلەرگە جەم-ءشوپ ازىرلەيدى. ناردوس باقىتبەك ۇلى قازىرگى ۋاقىتتا 150دەن استام تۇيە باعىپ وتىر.

«ونىڭ ىشىندە 50 گە جۋىعى ساۋىلاتىن ىنگەندەر. جاڭا دايىندالعان شۇباتتى كومپانيالار كۇن سايىن ساتىپ الادى. بۇل باقتاشىنىڭ ءوز وتباسىن تۇراقتى تابىسپەن قامتاماسىز ەتەدى»، دەپ جازادى قىتايلىق ب ا ق.

بەلگىلى قازاق شىعىستانۋشىسىنىڭ مەرەيتويىنا ارنالعان كونفەرەنتسيا ءوتتى - «Parstoday»

ءال-فارابي اتىنداعى قازاق ۇلتتىق ۋنيۆەرسيتەتىندە شىعىستانۋ فاكۋلتەتىنىڭ ۇيىمداستىرۋىمەن كورنەكتى عالىم، فيلولوگيا عىلىمدارىنىڭ دوكتورى، پروفەسسور يسلام جەمەنەيدىڭ 70 جىلدىعىنا ارنالعان «شىعىس تانۋ جانە تۇركىتانۋ عىلىمدارىنىڭ وزەكتى ماسەلەلەرى» اتتى حالىقارالىق عىلىمي- ادىستەمەلىك كونفەرەنتسيا ءوتتى، دەپ حابارلايدى «Parstoday» اقپارات اگەنتتىگى.

يراندىق باسىلىمنىڭ كەلتىرگەن دەرەگىنە سۇيەنسەك، كونفەرەنتسيادا الماتىداعى ي ي ر-دىڭ باس كونسۋلى موحسەن فاعاني، ي ي ر- دىڭ الماتىداعى مادەني وكىلدىگىنىڭ باسشىسى ءماجيت اليگار، فيزيكا- ماتەماتيكا عىلىمدارىنىڭ دوكتورى، پروفەسسور ءادىلجان ماماركاريموۆ سەكىلدى ءبىرقاتار بەلگىلى تۇلعالار قۇتتىقتاۋ ءسوز سويلەگەن.

سونداي-اق، كونفەرەنسيا اياسىندا پروفەسسور يسلام جەمەنەيدىڭ وزبەكستاندا جارىق كورگەن زاھيرەددين مۇحاممەد بابىردىڭ «بابىرناما» كىتابىنىڭ ءتۇپنۇسقالىق تۇرىك تىلىنەن قازاقشاعا اۋدارماسى جانە «قازاق ۋنيۆەرسيتەتى» باسپاسىنان شىققان «تاريح-ي-راشيدي» ەڭبەگىنە اناليتيكالىق تالداۋ» اتتى پارسى تىلىندەگى كىتاپتارىنىڭ سالتاناتتى تۇساۋكەسەر ءراسىمى وتكەن.

ايتا كەتۋ كەتەيىك، جيىن بارىسىندا ۋنيۆەرسيتەت تاراپىنان يسلام جەمەنەيگە «ەرەن ەڭبەگى ءۇشىن» توسبەلگىسى جانە ر. ب. سۇلەيمەنوۆ اتىنداعى شىعىس تانۋ ينستيتۋتى تاراپىنان «شىعىس تانۋ عىلىمىنا سىڭىرگەن ەڭبەگى ءۇشىن» توسبەلگىسى تابىستالعان.

وزبەكستان قازاقستاننان مۇناي جەتكىزۋ كولەمىن جىلىنا 3 ميلليون تونناعا ارتتىرماق - «ءوز ا»

2023 -جىلى وزبەكستان رەسپۋبليكاسىنا 300000 توننا قازاقستاندىق مۇناي مەن مۇناي ونىمدەرىن جەتكىزۋ بويىنشا قۇنى 150 ميلليون دوللار بولاتىن كەلىسىم بار. وسى كەلىسىم اياسىندا مۇناي جەتكىزۋ كولەمىن جىلىنا 3 ملن تونناعا دەيىن ارتتىرۋ جۇمىستارى جۇرگىزىلەتىن بولادى. وسىعان بايلانىستى قۇجاتقا «وزبەكمۇنايگاز» ءتوراعاسى مەحريددين ابدۋللايەۆ پەن «قازمۇنايگاز» ءتوراعاسى ماعزۇم ميرزاعاليەۆ قول قويعان، دەپ حابارلايدى «ءوز ا» اقپاراتتىق اگەنتتىگى.

اتالعان ب ا ق-تىڭ كەلتىرگەن دەرەگىنە سۇيەنسەك، وسى سەكىلدى قازاقستان مەن وزبەكستان اراسىندا التى ءتۇرلى كەلىسىم بار.

ايتا كەتۋ كەرەك، بۇل كەلىسىمدەرگە قازاقستان رەسپۋبليكاسى پرەزيدەنتىنىڭ وزبەكستانعا مەملەكەتتىك ساپارى اياسىندا وزبەكستان مەن قازاقستاننىڭ ەنەرگەتيكا مينيسترلىكتەرى مەن كومپانيالارى اراسىندا ەكىجاقتى ىنتىماقتاستىقتى دامىتۋ بويىنشا قول جەتكىزىلگەن بولاتىن.

اۆتور

بەيسەن سۇلتان ۇلى