رەسەيدىڭ دە، قازاقستاننىڭ دا پاسپورتى بار ازامات ەلدەن شىعارىلدى

None
استانا. قازاقپارات - استانا قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى رەسەي ازاماتى ت. -عا قاتىستى ق ر ازاماتتىعى تۋرالى زاڭناماسىن بۇزعانى ءۇشىن اكىمشىلىك قۇقىق بۇزۋشىلىق تۋرالى ءىستى قارادى، دەپ حابارلايدى قازاقپارات.

ءىستىڭ ءمان-جايىنان بەلگىلى بولعانى، ت. 2020 -جىلدىڭ تامىزىندا ق ر ازاماتتىعىنا يە بولىپ، رەسەي فەدەراتسياسىنىڭ ازاماتتىعىن العان، ءبىراق 30 كۇنتىزبەلىك كۇن ىشىندە ق ر ىشكى ىستەر ورگاندارىنا نەمەسە شەتەلدەگى مەكەمەلەرىنە شەتەل ازاماتتىعىن الۋ فاكتىسى تۋرالى حابارلاماعان جانە قر پاسپورتىن جانە جەكە كۋالىگىن تاپسىرماعان.

«سوتتا ت. كىناسىن مويىنداپ، زاڭنىڭ تالاپتارىن بىلمەۋىنە بايلانىستى بۇزۋشىلىققا جول بەرگەنىن ءتۇسىندىردى، ويتكەنى رەسەي فەدەراتسياسىنىڭ ازاماتتىعىن الۋ ءۇشىن ول ق ر ازاماتتىعىنان باس تارتۋ تۋرالى ءوتىنىش جازعان جانە ونى جەتكىلىكتى دەپ ساناعان. بۇل فاكتىنى پوليتسيانىڭ جەلىلىك ءبولىمىنىڭ قىزمەتكەرلەرى 2023 -جىلعى قاڭتاردا استانا قالاسىنىڭ حالىقارالىق اۋەجايىندا كولىكتىك باقىلاۋدان ءوتۋ كەزىندە انىقتادى. «ق ر ازاماتتىعى تۋرالى» زاڭنىڭ 21-بابىنا سايكەس، ەگەر ادام باسقا مەملەكەتتىڭ ازاماتتىعىن السا، ق ر ازاماتتىعى جويىلادى»، - دەپ جازدى استانا قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى.

ا ق ب ت ك-نىڭ 496-بابىنىڭ 2-بولىگىنە سايكەس ق ر زاڭناماسىندا بەلگىلەنگەن مەرزىمدە شەتەل ازاماتتىعىن الۋ فاكتىسىن حابارلاماۋ 200 ا ە ك مولشەرىندە ايىپپۇل سالۋعا نە ق ر شەگىنەن اكىمشىلىك شىعارىپ جىبەرۋگە اكەپ سوعادى.

سوت قاۋلىسىمەن ت. اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلدى جانە وعان ق ر شەگىنەن اكىمشىلىك شىعارىپ جىبەرۋ تۇرىندە جازا قولدانىلدى.

سوت شەشىمى شىعارىلعان كۇننەن باستاپ زاڭدى كۇشىنە ەندى.

سوڭعى جاڭالىقتار