تۇركىستان وبلىسىنداعى قازىعۇرت اۋدانىنا جاڭا اكىم تاعايىندالدى
ال، اۋداننىڭ بۇرىنعى اكىمى ارمان ابدۋللايەۆ باسقا جۇمىسقا اۋىسۋىنا بايلانىستى قىزمەتىنەن بوساتىلدى، دەپ حابارلايدى قازاقپارات ءتىلشىسى.
اۋدان اكتيۆىنە جاڭا اكىمدى تانىستىرعان ايماق باسشىسى دارحان ساتىبالدى الداعى جۇمىستىڭ باعىت- باعدارىنا توقتالدى. مەملەكەت باسشىسى قاسىم- جومارت توقايەۆتىڭ اۋىل- ايماقتى دامىتۋ بويىنشا تاپسىرماسىن ساپالى ورىنداۋ، اۋداننىڭ ەكونوميكالىق- الەۋمەتتىك الەۋەتىن كوتەرۋ باعىتىندا جۇمىستاردى جۇيەلەۋدى تاپسىردى.
«اۋدانعا قاراستى اۋىلدار مەن ەلدى مەكەندەردىڭ ينفراقۇرىلىمىن جاقسارتۋ، حالىقتىڭ تابىسى مەن ءومىر ساپاسىن ارتتىرۋ - نەگىزگى مىندەت. كاسىپكەرلىككە قولداۋ كورسەتۋ، جاڭا جۇمىس ورىندارى مەن ءوندىرىس ورىندارىن اشۋ، جىلىجايلاردى كوبەيتۋ دە اسا ماڭىزدى. مەملەكەتتىك باعدارلامالاردى ساپالى جۇزەگە اسىرۋ دا نازارىڭىزدا بولۋى ءتيىس. جۇمىستى ابىرويلى اتقارىپ، ەل سەنىمىن اقتاۋىڭىزعا تىلەكتەسپىن»، - دەدى وبلىس اكىمى.
ازيزحان يسمايلوۆ 1983 -جىلى 16-قاڭتاردا تولەبي اۋدانىندا دۇنيەگە كەلگەن. ءبىلىمى جوعارى. م. اۋەزوۆ اتىنداعى وڭتۇستىك قازاقستان ۋنيۆەرسيتەتىندە قارجى، قۇقىقتانۋ ماماندىعىن مەڭگەرگەن.
ەڭبەك جولىن 2003 -جىلى اتىراۋ قالاسىنداعى «قاينارمۇنايگاز» م گ و ب «ەمبى مۇنايگاز» وندىرىستىك فيليالىندا باستادى. 2009-2013 -جىلدار ارالىعىندا وڭتۇستىك قازاقستان وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مامانى، وڭتۇستىك قازاقستان وبلىسىنىڭ تىلدەردى دامىتۋ باسقارماسىنىڭ باس مامانى، وڭتۇستىك قازاقستان وبلىسىنىڭ قارجى باسقارماسىندا ءبولىم باسشىسى بولىپ قىزمەت اتقاردى. 2015-2017 -جىلدار ارالىعىندا «ميكو ويل» ج ش س- ءنىڭ ديرەكتورى، 2017-2022 -جىلدار ارالىعىندا سارىاعاش اۋدانى داربازا اۋىلدىق وكرۋگى اكىمى اپپاراتىنىڭ باس مامان- زاڭگەرى، تۇركىستان وبلىسى اكىمى اپپاراتىنىڭ جيىنتىق- تالداۋ جانە جالپى مونيتورينگ ءبولىمىنىڭ باس ينسپەكتورى، تۇركىستان وبلىسى اكىمى اپپاراتىنىڭ جيىنتىق- تالداۋ جانە جالپى مونيتورينگ ءبولىمىنىڭ باسشىسى بولدى.
2022 -جىلدان بەرى تۇركىستان وبلىسىنىڭ جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى قىزمەتىن اتقارىپ كەلدى.
