قىسقى ۋنيۆەرسيادانىڭ اشىلۋ سالتاناتى باستالاتىن ۋاقىت جاريالاندى

None
استانا. قازاقپارات – ا ق ش-تىڭ لەيك-پلەسيد قالاسىندا وتەتىن 2023 -جىلعى قىسقى ۋنيۆەرسيادانىڭ سالتاناتتى اشىلۋى قاي ۋاقىتتا باستالاتىنى بەلگىلى بولدى، دەپ حابارلايدى قازاقپارات ءتىلشىسى.

XXX قىسقى ۋنيۆەرسيادانىڭ رەسمي اشىلۋ سالتاناتى ەلوردا ۋاقىتىمەن 05:50 گە بەلگىلەنگەن. اتالعان شارا «Qazsport» تەلەارناسىنان تىكەلەي ەفيردە كورسەتىلەدى.

ءدۇبىرلى دودادا ەلىمىزدىڭ اتىنان 78 سپورتشى باق سىنايدى. ولار شاڭعىمەن جارىسۋ، شورت- ترەك، بياتلون، مانەرلەپ سىرعاناۋ، كونكيمەن جۇگىرۋ، سنوۋبورد، تاۋ شاڭعىسى سپورتى، تۇعىردان سەكىرۋ، قوسسايىس، شايبالى حوككەيدەن جارىس جولىنا شىعادى.

قازىرگە دەيىن قازاقستاندىق سپورتشىلار بارلىعى 107 مەدالعا يە بولدى. ولاردىڭ 20 ى التىن، 40 ى كۇمىس، 47 ى قولا مەدال. بۇل جونىنەن جالپى كوماندالىق ەسەپتە 107 مەملەكەتتىڭ اراسىندا 35-ورىندا تۇر. كوش باسىندا ا ق ش، قىتاي، رەسەي سپورتشىلارى كەلەدى.

بۇعان دەيىنگى ۋنيۆەرسيادالاردا قازاقستاندىق ستۋدەنتتەر 2017 -جىلى جوعارى ناتيجە كورسەتتى. ەلىمىزدىڭ الماتى قالاسىندا وتكەن باسەكەدە ولار 11 التىن، 8 كۇمىس پەن 17 قولا ولجالادى. ناتيجەسىندە بارلىعى 36 مەدالمەن قازاقستان جالپى كوماندالىق ەسەپتە ەكىنشى ورىن الدى.

ۋنيۆەرسيادا ويىندارىنىڭ تاريحى 1924 -جىلدان باستاۋ الادى. ول 1959 -جىلعا دەيىن بۇكىلالەمدىك ۋنيۆەرسيتەت ويىندارى اتالىپ كەلدى. 1959 -جىلدان باستاپ ۋنيۆەرسيادا بولىپ تانىلدى.

ءدۇبىرلى دودانى تىكەلەي ەفيردە كورسەتۋ مىندەتىن «Qazsport» تەلەارناسى ءوز مىندەتىنە الىپ وتىر.

سوڭعى جاڭالىقتار