رۋسلان جەلدىباي مەن اسات نۇرپەيىسوۆ جاڭا قىزمەتتەرگە تاعايىندالدى
«رۋسلان سۇلتان ۇلى جەلدىباي قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى - پرەزيدەنتتىڭ باسپا ءسوز حاتشىسى بولىپ تاعايىندالسىن، ول بۇرىنعى اتقارعان لاۋازىمىنان بوساتىلسىن» دەلىنگەن جارلىقتا.
رۋسلان جەلدىباي 1989 -جىلى جامبىل وبلىسىندا تۋعان.
ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن، ۋوريك ۋنيۆەرسيتەتىن بىتىرگەن. ەڭبەك جولىن 2012 -جىلى «قازاقستان» تەلەارناسىندا رەداكتور بولىپ باستاعان.
2012-2018 -جىلدارى «الماتى» تەلەارناسىندا ءبولىم باسشىسى، پروديۋسەر بولعان.
2018-2019 -جىلدارى اقپارات جانە كوممۋنيكاتسيالار كوميتەتىنىڭ ينتەرنەت كەڭىستىگىندەگى جانە الەۋمەتتىك جەلىلەردەگى اقپاراتتىق جۇمىس جونىندەگى باسقارما باسشىسىنىڭ مىندەتىن اتقارۋشى، باسشىسى لاۋازىمىن اتقارعان.
2019-2020 -جىلدارى اقپارات جانە قوعامدىق دامۋ مينيسترلىگىنىڭ اقپارات كوميتەتى ءتوراعاسىنىڭ ورىنباسارى بولىپ قىزمەت ەتكەن.
2020-2022 -جىلدارى پرەزيدەنت اكىمشىلىگىنىڭ ىشكى ساياسات ءبولىمى مەڭگەرۋشىسىنىڭ ورىنباسارى بولدى.
2022 -جىلعى اقپاننان باستاپ پرەمەر-مينيستر كەڭسەسى باسشىسىنىڭ ورىنباسارى لاۋازىمىن اتقاردى.
2022 -جىلعى 14-ساۋىردەن بەرى ق ر پرەزيدەنتىنىڭ باسپا ءسوز حاتشىسى قىزمەتىن اتقارىپ كەلدى.
سونداي-اق، ق ر پرەزيدەنتى ءىس باسقارۋشىسىنىڭ ورىنباسارى تاعايىندالدى.
اسات نۇرپەيىسوۆ ق ر پرەزيدەنتى ءىس باسقارۋشىسىنىڭ ورىنباسارى لاۋازىمىنا تاعايىندالدى، دەپ حابارلايدى اقوردانىڭ باسپا ءسوز قىزمەتى.
«مەملەكەت باسشىسىنىڭ وكىمىمەن اسات بولات ۇلى نۇرپەيىسوۆ قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى لاۋازىمىنا تاعايىندالدى» دەلىنگەن جارلىقتا.