ديكي ارمان بەيبىت تۇرعىنداردى قوناقۇيلەردىڭ پاركينگىندە كۇشپەن ۇستاعان - باس پروكۋرور

None
Видеодан алынған кадр
استانا. قازاقپارات – ق ر باس پروكۋرورى بەرىك اسىلوۆ ماجىلىستە قاڭتار وقيعاسىندا ديكي ارمان مەن قايرات قۇدايبەرگەننىڭ قانداي قىلمىستار جاساعانىن ايتىپ بەردى، دەپ حابارلايدى قازاقپارات ءتىلشىسى.

«2021 -جىل بويى، جاسىرىن تۇردە راديكالدى شارا قولدانۋ ءۇشىن ورىنداۋشىلاردى دايىنداۋ جۇرگىزىلگەنىن عانا ايتا الامىن. ورىنداۋشىلاردىڭ قاتارىندا ۇيىمداسقان قىلمىستىق توپتار بولعان. ولار ادامداردى جيناپ، قارۋلاندىرعان، راتسيا جانە كولىك ساتىپ العان. تەرگەۋ انىقتاعانداي، وسى ارەكەتتەردىڭ باسىندا كۇش قۇرىلىمدارىنىڭ جەكەلەگەن وكىلدەرى تۇرعان. مىسالى، تەرگەۋ ۆەرسياسى بويىنشا، الماتىدا جۇماگەلديەۆ (لاقاپ اتى «ديكي ارمان») ەرەكشە ءرول اتقارعان»، - دەدى بەرىك اسىلوۆ ءماجىلىستىڭ بۇگىنگى وتىرىسىندا.

ونىڭ ارەكەتىن ۇ ق ك-دەگى كۋراتورى ۇيلەستىرگەنى انىقتالدى. ول تارتىپسىزدىكتەردى ۇيىمداستىرىپ، ادامدار توبىن باسقارۋدى ءوز قولىنا الىپ، بيلىككە بۇلتارتپاس تالاپ قويۋ ءۇشىن «حالىق كەڭەسى» دەگەندى قۇرۋى ءتيىس بولعان.

«وعان الماتى قالالىق ءماسليحاتىنىڭ ەكس-دەپۋتاتى، سونداي-اق قىلمىستىق توپتىڭ بەلسەندى مۇشەسى ماحاتوۆ كومەكتەسكەن، ول الماتىداعى «قازاقستان» قوناق ۇيىنە كەلۋشى بانديتتەردى قارۋلاندىرعان.

«الايدا ولار جاپپاي نارازىلىقتى باسقارا المادى. حالىق ولارعا ەرگەن جوق. ۇ ق ك-نىڭ بۇرىنعى ءتوراعاسىنىڭ ۇستالعانى تۋرالى اقپارات العان سوڭ، كەيىن ءوزىن اقتاپ الۋ ءۇشىن مارودەرلەرمەن كۇرەستى جەلەۋ ەتىپ، سودىرلارعا قالا تۇرعىندارىنا شابۋىل جاساۋ تاپسىرىلعان. سول ءۇشىن 6-قاڭتاردا ولار قالانىڭ ءار جەرىنەن 24 كەزدەيسوق ادامدى ۇرلاپ كەتكەن، سوسىن «Ritz Carlton» جانە «قازاقستان» قوناق ۇيلەرىنىڭ پاركينگىندە ولاردى ۇرىپ-سوعىپ، ۇستاپ وتىرعان. كەيىن ولاردى قالانىڭ شەتىنە اپارىپ، ۇ ق ك قىزمەتكەرلەرىنىڭ قارۋلى كۇزەتىمەن كونتەينەردە تۇنەتكەن. سوسىن ولاردى اۋەجايعا جەتكىزگەن، سول جەردە وتەپبايەۆ ازاپتاۋدان قايتىس بولعان. وسى فاكتىلەر بويىنشا تەرگەۋدى اياقتادىق. قازىر قۇجاتتار قارالۋدا»، - دەپ ءتۇسىندىردى باس پروكۋرور.

سوڭعى جاڭالىقتار