پارلامەنت ماجىلىسىندە قاڭتار وقيعاسىنا قاتىستى كورمە ۇيىمداستىرىلدى - فوتو

استانا. قازاقپارات - بۇگىن پارلامەنت ماجىلىسىندە قاڭتار وقيعاسىنا قاتىستى باس پروكۋراتۋرا، ىشكى ىستەر مينيسترلىگى جانە قورعانىس مينيسترلىگى ارنايى كورمە ۇيىمداستىردى، دەپ حابارلايدى قازاقپارات ءتىلشىسى.

اتاپ ايتقاندا، بىلتىر قاڭتاردا پوليتسيا دەپارتامەنتتەرىنەن، قارۋ-جاراق دۇكەندەرىنەن ۇرلانعان قارۋ مەن وق-ءدارى جانە باسقا دا زاتتار كورمەگە جەتكىزىلگەن. بۇل قارۋ-جاراقتىڭ بارلىعى جاپپاي تارتىپسىزدىككە قاتىسقان ادامداردان تاركىلەنگەن بولاتىن.

كورمەدە پوليتسەيلەردىڭ زاقىمدالعان كاسكالارى مەن باسقا دا جابدىقتارى كوپشىلىك نازارىنا ۇسىنىلعان.

سونىمەن قاتار بىلتىر قاڭتار وقيعاسى بارىسىندا ەل اۋماعىندا تونالعان نىساندار، قيراعان عيماراتتار، ورتەنگەن كولىكتەر جانە باسقا دا نىساندار بويىنشا ارنايى فوتوسۋرەت كورمەسى دە ۇيىمداستىرىلدى.

بۇدان بۇرىن حابارلانعانداي، بۇگىن ماجىلىستەگى جالپى وتىرىستا «جاڭا قازاقستان» دەپۋتاتتىق توبىنىڭ قاڭتار وقيعاسىنا قاتىستى ساۋالىنا ق ر باس پروكۋرورى بەرىك اسىلوۆتىڭ اۋىزشا جاۋابى تىڭدالادى.

اۆتور

رۋسلان عابباسوۆ