قازاقستاندا سوڭعى تاۋلىكتە كوروناۆيرۋستان ءبىر ادام قايتىس بولدى
مينيسترلىك تاراتقان مالىمەتكە سايكەس، ناۋقاستىڭ جاسى 83 تە ەدى. ونىڭ قوسىمشا اۋرۋلارى بولدى.
«ول ەكپە الماعان، قاتار جۇرەتىن اۋرۋلار - وكپەنىڭ سوزىلمالى وبسترۋكتيۆتى اۋرۋى (ءو س و ا)، ارتەريالىق گيپەرتەنزيا بار ەدى»، - دەپ حابارلادى دەنساۋلىق ساقتاۋ مينيسترلىگىنەن.
بۇعان دەيىن قازاقستاندا وتكەن تاۋلىكتە كوروناۆيرۋس ينفەكسياسىن جۇقتىرۋدىڭ 87 جاعدايى انىقتالعانى، تاعى ەكى ادامنىڭ كوۆيد پنيەۆمونياسىنا شالدىققانى حابارلانعان بولاتىن.
4- قاڭتارداعى جاعداي بويىنشا 2600 ادام كوروناۆيرۋستان ەم الۋىن جالعاستىرۋدا، ونىڭ ىشىندە 259 ناۋقاس ستاتسيوناردا جاتسا، 2341 ناۋقاس امبۋلاتورلىق ەم قابىلداپ جاتىر.
سوڭعى مالىمەتتەرگە سايكەس، ك ۆ ي+ جانە ك ۆ ي- جاعدايلارىنىڭ اراسىندا: اۋىر جاعدايدا - جەتى ناۋقاس، وتە اۋىر جاعدايدا - التى ناۋقاس، جاساندى تىنىس الۋ اپپاراتىندا جاتقان ەكى ناۋقاس بار.
بۇعان دەيىن ق ر دەنساۋلىق ساقتاۋ مينيسترلىگى قازاقستاندىقتارعا قىتايعا بارۋدان باس تارتۋدى كەڭەس ەتكەن بولاتىن.