ۇشاقتا توتەنشە جاعدايعا تاپ بولعان وزبەكستاندىق ەكى ايەل الماتىداعى اۋرۋحاناعا جەتكىزىلدى
الماتى. قازاقپارات - Air Astana اۋە كەمەسىنىڭ بورتىندا بولعان وقيعانىڭ سالدارىنان الماتىنىڭ 4№ قالالىق كلينيكالىق اۋرۋحاناسىنا ەكى جولاۋشى جەتكىزىلدى، دەپ حابارلايدى قازاقپارات ءتىلشىسى.
4№ قالالىق اۋرۋحانانىڭ باسپا ءسوز قىزمەتى حابارلاعانداي، جەدەل جاردەم كولىگىمەن مەديتسينالىق مەكەمەگە تەك ەكى ادام جەتكىزىلگەن، تاعى ءۇش ادام تەكسەرۋدەن باس تارتقان.
«4№ قالالىق كلينيكالىق اۋرۋحاناعا «تاشكەنت - الماتى» رەيسىنىڭ ەكى جولاۋشىسى جەتكىزىلدى. ەكەۋى دە - وزبەكستان ازاماتتارى، 37 جانە 28 جاستاعى ايەلدەر. دياگنوز: سول جاق بىلەك پەن قولدىڭ جابىق جاراقاتى، جۇمساق تىندەردىڭ كوگەرۋى جانە سوزىلۋى. مويىن ومىرتقاسىنىڭ كونتۋزياسى. ەكى ناۋقاستىڭ جاعدايى قاناعاتتانارلىق، كلينيكالىق-دياگنوستيكالىق تەكسەرۋدەن كەيىن رەنتگەنوگرافيا، مي جانە مويىن ومىرتقاسىنىڭ ك ت، امبۋلاتوريالىق ەمدەۋ ۇسىنىلدى. باسقا جولاۋشىلار مەديتسينالىق كومەككە جۇگىنبەدى»، - دەپ حابارلادى 4№ اۋرۋحانانىڭ باسپا ءسوز قىزمەتى.
ەسكە سالا كەتەيىك، بۇگىن Air Astana اۋەكومپانياسىنىڭ تاشكەنتتەن الماتىعا ۇشىپ شىققان KC 128 رەيسىنىڭ بورتىندا قاتتى تۋربۋلەنتتىلىك بولعان.
ۇشاق جەرگىلىكتى ۋاقىت بويىنشا 14.35 تە ۇشقان، ساپار بارىسىندا اۋە لاينەرى كەنەتتەن قاتتى تۋربۋلەنتتىلىك ايماعىنا ءتۇستى.
كومپانيا وقيعادان جەتى جولاۋشى ءتۇرلى جاراقات العانىن حابارلادى.
كەيىننەن ازاماتتىق اۆياتسيا كوميتەتى «تاشكەنت - الماتى» رەيسىندەگى توتەنشە جاعدايدان زارداپ شەككەن جولاۋشىلار جايىندا مالىمەت بەردى.
كوميتەتتىڭ الدىن الا اقپاراتىنا سەنسەك، وقيعادان 5 ادام جاپا شەككەن.
