بيىلعى قاراشادا قازاقستاندىقتاردىڭ شەتەل ۆاليۋتاسىنا سۇرانىسى ارتتى
بۇل تۋرالى قازاقپارات ق ر ۇلتتىق بانكىنىڭ باسپا ءسوز قىزمەتىنە سىلتەمە جاساپ حابارلايدى.
باسپا ءسوز مالىمەتتەرىنە قاراعاندا، 2022-جىلعى قاراشادا كۆازيمەملەكەتتىك سەكتوردىڭ ۆاليۋتالىق ءتۇسىمىن ساتۋى (500 ميلليون ا ق ش دوللارى) جانە ۇلتتىق قوردان ترانسفەرتتەردى جۇزەگە اسىرۋ ءۇشىن ازداپ شەتەل ۆاليۋتاسىن كونۆەرتاتسيالاۋ (70 ميلليون ا ق ش دوللارى) ۆاليۋتا نارىعىنداعى ۇسىنىسقا قولداۋ كورسەتتى. ۇلتتىق بانكتىڭ ۆاليۋتالىق ينتەرۆەنتسيالارى جۇرگىزىلمەدى.
تەڭگە - دوللار ۆاليۋتا جۇبى بويىنشا وپەراتسيالاردىڭ جالپى كولەمى ءبىر ايدا 19,2 پايىزعا ۇلعايىپ (ج/ج 17,7 پايىزعا تومەندەۋ)، ونىڭ ىشىندە قازاقستان قور بيرجاسىنداعى بيرجالىق ساۋدا-ساتتىق كولەمى ا/ا 20,6 پايىزعا ءوسىپ، ج/ج 21,1 پايىزعا تومەندەدى. حالىق تاراپىنان شەتەل ۆاليۋتاسىنا سۇرانىس ارتتى. 2022-جىلعى قاراشادا شەتەل ۆاليۋتاسىن نەتتو-ساتىپ الۋ ا/ا 20,3 پايىزعا ءوسىپ، 223,5 ميلليارد تەڭگەنى قۇرادى. بۇل رەتتە جىلدىق ماندەگى نەتتو-ساتىپ الۋدىڭ جالپى كولەمى ايتارلىقتاي دارەجەدە ا ق ش دوللارى مەن رەسەي رۋبلىن نەتتو-ساتىپ الۋدىڭ تومەندەۋى ەسەبىنەن 48,2 پايىزعا تومەندەدى.
شىعىستاردىڭ نەگىزگى كولەمى 91,6 پايىز نەمەسە 204,6 ميلليارد تەڭگە – ا ق ش دوللارىن، 1,3 پايىز نەمەسە 3,0 ميلليارد تەڭگە - رەسەي رۋبلىن جانە 7,0 پايىز نەمەسە 15,6 ميلليارد تەڭگە - ەۋرونى ساتىپ الۋعا باعىتتالدى. قاراشادا رەسەي رۋبلىنە سۇرانىس ۇسىنىستان ءسال اسىپ ءتۇستى، ال ايىنا رۋبلدى نەتتو-ساتىپ الۋ 2,3 ەسە (ج/ج 30,1) تومەندەدى.
«ۆاليۋتا تۇرلەرى بويىنشا بولگەندە ا ق ش دوللارىن نەتتو-ساتىپ الۋ ءبىر ايدا 24,2 پايىزعا ءوستى (تومەندەۋ - ج/ج 30,8 پايىز)، ەۋرونى نەتتو-ساتىپ الۋ 14,6 پايىزعا ءوستى (تومەندەۋ - ج/ج 3,0 ەسە)»، - دەلىنگەن ۇلتتىق بانكتىڭ حابارلاماسىندا.
