كونستيتۋتسيالىق سوتتىڭ سۋديالارى تاعايىندالدى
«كونستيتۋتسياعا سايكەس پارلامەنتتىڭ ءار پالاتاسى كونستيتۋتسيالىق سوتتىڭ ءۇش سۋدياسىن قىزمەتكە تاعايىندايدى. كانديداتۋرالاردى پالاتا ءتوراعاسى ۇسىنادى. وسى ورايدا سەناتتان كونستيتۋتسيالىق سوتتىڭ سۋديالارى قىزمەتى ەرلان سارسەمبايەۆتىڭ، اسان ەسكەندىروۆتىڭ جانە ايگۇل قىدىربايەۆانىڭ كانديداتۋرالارىن ۇسىنامىن. ۇسىنىلعان كانديداتۋرالار الدىن الا سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ وتىرىسىندا تالقىلاندى»، - دەدى سەنات ءتوراعاسى ماۋلەن اشىمبايەۆ.
جالپى وتىرىستا پالاتا دەپۋتاتتارى اتالعان ادامداردى كونستيتۋتسيالىق سوتىنىڭ سۋدياسى قىزمەتىنە تاعايىنداۋ تۋرالى ۇسىنىستى قولدادى.
وسى ورايدا ولار 2023 -جىلدىڭ 1-قاڭتارىنان باستاپ جاڭا قىزمەتىنە كىرىسەدى.
ەسكە سالساق، مەملەكەت باسشىسى قاسىم-جومارت توقايەۆتىڭ بۇگىنگى جارلىعىمەن ەلۆيرا ءابىلحاسىم قىزى ازيموۆا ق ر كونستيتۋتسيالىق سوتىنىڭ ءتوراعاسى لاۋازىمىنا تاعايىندالعان ەدى.
