قىتاي كولىكتەرى تيەلگەن جۇك پويىزى العاش رەت قازاقستانعا بەت الدى - شەتەلدەگى قازاقشا ب ا ق- قا شولۋ

«ارمان» تايەكۆوندو كلۋبى باتىس زونالىق تۋرنيردە كوش باستادى - Kaznews

17-19- جەلتوقسان كۇندەرى موڭعوليانىڭ ۋۆس ايماعىنىڭ ورتالىعى ۋلاانگوم قالاسىندا وليمپيادالىق تايەكۆوندودان باتىس زونالىق كلۋبتارىنىڭ «DREAM CUP-2» تۋرنيرى ءوتتى، دەپ حابارلايدى موڭعوليانىڭ Kaznews اقپارات پورتالى.

جارىسقا گوۆ- التاي ايماعىنان GAA Leopards، حوۆد ايماعىنان «ەرين»، «ءسۇلد- الدار»، ۋۆس ايماعىنان «ويراد پاۋەر»، بايان- ولگيي ايماعىنان «ارمان» تاەكۆوندو كلۋبتارىنان 400-دەن استام سپورتشى باق سىناعان.

موڭعوليالىق باسىلىمنىڭ مالىمەتىنشە، بايان- ولگي ايماعىنان اتالمىش تۋرنيرگە قاتىسقان تاەكۆوندوشىلار 3 التىن، 5 كۇمىس مەدال، 14 قولا مەدال يەلەنىپ، قورىتىندى ەسەپ بويىنشا 1 ورىننان كورىنىپ، «DREAM CUP» التىن كۋبوگىن جەڭىپ العان.

ايتا كەتەيىك، اتالعان كلۋبتىڭ باپكەرى قىزمەتىن ايماقتىق سپورت جانە دەنەشىنىقتىرۋ باسقارماسىنىڭ مامانى ەرۇلان شولەن ۇلى اتقارعان.

جەمەنەيلىك بويجەتكەننىڭ كەستەمەن ورنەكتەلگەن تاماشا تۇرمىسى - «حالىق» گازەتى

قىتايلىق باسىلىمدا «جەمەنەيلىك بويجەتكەننىڭ كەستەمەن ورنەكتەلگەن تاماشا تۇرمىسى» دەگەن تاقىرىپتاعى اقپارات جارىق كورگەن.

التاي ايماعى جەمەنەي اۋدانى «اتامۇرا» كەستە دۇكەنىندە قازاقتىڭ ءار ءتۇرلى ويۋ- ورنەكتەرى باسىلعان كوپتەگەن كەستەلى بۇيىمدارى دۇكەننىڭ ءسانىن كەلتىرىپ تۇر، دەپ جازادى People.cn اقپارات پورتالى.

اتالعان ب ا ق- تىڭ مالىمەتىنشە، سوڭعى جىلدارى جەمەنەي اۋدانى جەرگىلىكتى اۋىل ايەلدەرىنە اۋىلدان نەمەسە وتباسىلارىنان شىقپاي- اق كىرىسىن ارتتىرۋعا كومەكتەسىپ جاتىر.

اتاپ ايتقاندا، جەرگىلىكتى باسشىلىق كاسىپكەرلىك قىزمەتكە پايىزسىز نەسيە بەرۋ ساياساتىنىڭ ءارتۇرلى شارالارىن ەنگىزىپ، اۋىل ايەلدەرىنىڭ تابىسى ارتقان.

قازاقستان پرەزيدەنتى ت م ۇ باس حاتشىسىن قابىلدادى - TRT

قازاقستان پرەزيدەنتى تۇرىك مەملەكەتتەرى ۇيىمىنىڭ (ت م ۇ) باس حاتشىسى كۋبانىچبەك ومىراليەۆتى قابىلدادى. توقايەۆ حاتشىلىقتىڭ جۇمىسىنا بارىنشا قولداۋ كورسەتەتىنىن جەتكىزدى.

بۇل تۋرالى وسى اپتادا تۇركيا راديو تەلەۆيزيا پورتالى دا حابارلادى.

«قاسىم- جومارت توقايەۆ قازاقستان ۇيىمنىڭ نەگىزىن قالاۋشى ەلدىڭ ءبىرى رەتىندە تۇركى مەملەكەتتەرىمەن كوپجاقتى ىنتىماقتاستىقتى دامىتۋعا مۇددەلى ەكەنىنە توقتالىپ، حاتشىلىقتىڭ جۇمىسىنا بارىنشا قولداۋ كورسەتەتىنىن جەتكىزدى»، دەپ جازعان تۇركيالىق ب ا ق.

ابايدىڭ شىعارماشىلىق مۇراسىنا ارنالعان كورمەدەن فوتورەپورتاج جاريالاندى – ءو ز ا

وزبەكستاندىق باسىلىمدا وسىنداي تاقىرىپتاعى سۋرەتتى اقپارات جاريالاندى.

تاشكەنتتە قازاقتىڭ ۇلى ويشىلى ابايدىڭ شىعارماشىلىعىنا ارنالعان كورمە اشىلدى، دەپ حابارلايدى ءوزا اقپارات اگەنتتىگى.

كورمەنىڭ اشىلۋ سالتاناتىنا ءو ر پرەمەر- ءمينيسترىنىڭ ورىنباسارى، تۋريزم جانە مادەني مۇرا ءمينيسترى ازيز ابدۋحاكيموۆ، ق ر مادەنيەت جانە سپورت ءمينيسترى داۋرەن ابايەۆ، قازاقستاننىڭ وزبەكستانداعى ەلشىسى بەيبىت اتامقۇلوۆ، وزبەكستاننىڭ قازاقستانداعى ەلشىسى سايديكرام نيازحودجايەۆ، ابايدىڭ «جيدەباي- ءبورىلى» مەملەكەتتىك مۇراجايىنىڭ ديرەكتورى تۇردىقۇل شاڭباي، بەينەلەۋ ونەرى گالەرەياسىنىڭ ديرەكتورى كامولا اكيلوۆا، سونداي- اق ب ا ق جانە قوعام وكىلدەرى قاتىسقان.

وزبەكستاندىق ب ا ق- تىڭ كەلتىرگەن دەرەگىنە سۇيەنسەك، تاشكەنت قالاسىنداعى وزبەكستان بەينەلەۋ ونەرى گالەرەياسىندا «اباي. باۋىرلاس حالىقتاردىڭ مۇراسى» اتتى ۇلى ويشىل، قازاق ادەبيەتىنىڭ نەگىزىن قالاۋشى اباي قۇنانبايەۆتىڭ ءومىرى مەن شىعارماشىلىعىنا اشىلعان كورمە 30-جەلتوقسانعا دەيىن جالعاسادى.

كورمەدە قازاقتىڭ ءداستۇرلى تۇرمىس- تىرشىلىگى، ساندىك- قولدانبالى ونەرى، اباي تۋرالى باسىلىمدار جانە ونىڭ ءومىرى مەن شىعارماشىلىعى تۋرالى بەينەروليك كورسەتىلەدى.

العاش رەت قىتايلىق كولىكتەردى تيەگەن جۇك پويىزى قازاقستانعا بەت الدى - «حالىق» گازەتى

شىڭجاڭ ولكەسى «قورعاس» ارقىلى العاش رەت جەرگىلىكتى كوممەرتسيالىق كولىكتەرگە ارنالعان حالىقارالىق جۇك پويىزىن ىسكە قوستى.

19- جەلتوقساندا وتاندىق جاڭا ەنەرگيا كولىكتەرى تيەلگەن حالىقارالىق ارنايى پويىز «قورعاس» كەدەن بەكەتىنىڭ تەمىرجول ستانتسياسىنان جولعا شىعىپ، قازاقستانداعى التىنكول ستانسياسىنا قاراي بەت الدى، دەپ حابارلادى قىتايدىڭ «حالىق» اقپارات پورتالى.

قىتايلىق باسىلىمنىڭ دەرەگىنشە، ول سوڭىندا تەمىرجولدان تاسجولعا الماسىپ، ورتالىق ازياعا، ەۋروپاعا جانە باسقا ەلدەرگە جەتكىزىلەدى.

ارنايى پويىزدىڭ ىسكە قوسىلۋى - «قورعاس» كەدەنىن حالىقارالىق لوگيستيكاسىنداعى جاڭا سەرپىلىس. ءارى ونىڭ ۇلتتىق لوگيستيكالىق توراپ پەن وڭىرلىك حالىقارالىق لوگيستيكالىق تاراتۋ ورتالىعى بولۋىنا بەرىك نەگىز قالايدى.

ايتا كەتەيىك، مالىمەتتەرگە سايكەس، بۇل جولعى ارنايى پويىزعا قۇنى شامامەن 13 ميلليون يۋان بولاتىن 100 قىتايلىق كولىك تيەلگەن.

قانداستارىمىزعا قاتىستى جىلدىڭ ۇزدىك 10 وقيعاسى - Kaznews

Kaznews اقپارات اگەنتتىگى جىل سايىنعى ءداستۇرى بويىنشا موڭعول ەلىندەگى قانداستارىمىزعا قاتىستى «جىلدىڭ ۇزدىك 10 وقيعاسىن» جاريالاپتى. اگەنتتىكتىڭ كوزقاراسى بويىنشا 2022 -جىلدىڭ ۇزدىك وقيعاسى تومەندەگىدەي ەكەن.

اتاپ ايتساق، «بايان- ولگيي ايماعىنىڭ قۇراما كومانداسى فۋتبولدان موڭعوليا چەمپيونى اتاندى»، «سەرىك بەردىمۇرات ۇلى مەملەكەتتىك ءپىل دارەجەلى پالۋان اتاعىنا يە بولدى»، «ايناگۇل ايىپحان قىزى الەمدىك IWEC-2022 سىيلىعىنا يە بولدى»، «قازاق قىزى جيۋ- جيتسۋدان الەم چەمپيوناتىنىڭ كۇمىس جۇلدەگەرى اتاندى»، «ءا. بازار مەن ت. اياگۇل موڭعوليالىق Forbes- ءتىڭ «30-عا دەيىنگى 30» رەيتينگىنە ەندى» دەگەن سەكىلدى جىلدىڭ ون ۇزدىك 10 وقيعاسىن جازىپ وقىرمان نازارىنا قايتا ۇسىنعان.

حاڭجوۋ مارافون جارىسىندا باعى جانعان باعدار ورازالى ۇلى - ورتالىق حالىق راديوسى

قىتايدىڭ جىجياڭ ولكەسىندە وتكىزىلگەن 2022 -جىلعى حاڭجوۋ مارافون جارىسىندا، ىلە قازاق اۆتونوميالى وبلىسى توعىزتاراۋ اۋدانىنىڭ تۇلەگى باعدار ورازالى ۇلى 2 ساعات 17 مينۋت 26 سەكۋندتىق ناتيجەمەن ەرلەر اراسىنداعى تولىق مارافون جارىسىندا ەكىنشى ورىنعا يە بولدى، دەپ حابارلايدى قىتايدىڭ ورتالىق حالىق راديوسى.

قىتايلىق ب ا ق- تىڭ مالىمەتىنشە، 1987 -جىلدان باستاپ وتكىزىلىپ كەلە جاتقان حاڭجوۋ مارافون جارىسى - قىتايداعى بەيجىڭ جانە داليان مارافون جارىسىنان كەيىنگى، ءۇشىنشى تاريحى ۇزاق حالىقارالىق مارافون جارىسى سانالادى.

بيىلعى حاڭجوۋ مارافون جارىسىنا قىتايدىڭ ءار وڭىرىنەن 35 مىڭ، ال تولىق مارافون جارىسىنا 12 مىڭ سپورتشى قاتىسقان.

وسى جولى تابىستى ناتيجەگە قول جەتكىزگەن باعدار ورازالى ۇلى 14 جاسىنان باستاپ، ياعني 2010 -جىلى ىلە قازاق اۆتونوميالى وبلىستىق سپورت مەكتەبىنە ءتۇسىپ، كاسىپتىك ءبىلىم الا باستاعان.

ءارى وسى مەكتەپتە وقىعاننان بەرى شىنجاڭ كولەمىندەگى ءارتۇرلى جەڭىل اتلەتيكا جارىستارىنا قاتىسىپ، جوعارى ناتيجەلەرگە قول جەتكىزىپ كەلەدى.

ايتا كەتەيىك، بۇل جولعى حاڭجوۋ مارافون جارىسىندا ب. ورازالى ۇلى تەك 9 سەكۋندتىق پارىقپەن عانا ەكىنشى ورىنعا يە بولعان.

اۆتور

بەيسەن سۇلتان